Қазақ елінің біртуар азаматы, аса көрнекті мемлекет және қоғам қайраткері Д.А.Қонаевтың туғанына - 110 жыл толуына орай И.Панфилов атындағы №39 мектеп-гимназияның 4 сынып оқушылары кітапхана мен Д.А.Қонаев атындағы Халықаралық қордың Жамбыл облысындағы бөлімшесіне саяхат жасады.

⠀ Кітапхана қызметкері Д.А.Қонаевтың 110 жылдық мерейтойына жасақталған «Ғасырдың дара перзенті» кітап көрмесімен таныстырып, ұлы тұлғаның өмірібаяны мен еліне сіңірген еңбегі туралы баяндады.

Д.А.Қонаев атындағы Халықаралық қордың Жамбыл облыстық бөлімшесінде қоғам қайраткерінің сақталған құжаттары, фото және әр алуан портреттері, өзінің қолданған заттары: қаламдар, анықтамалық және көркем әдебиеттер, өнер жөніндегі альбомдар, көптеген куәліктер, авторлардың жекелей қолтаңбасы жазылған кітаптары, мерейтойларына арналған көптеген сыйлықтар және экспонаттарымен танысты.

joomlamodniyportal.ru