«Кітап – ғажайып әлем!» фестивалі

«2022 жыл - Балалар жылы» мен «2 сәуір - Халықаралық балалар кітабы күніне» орай қала тұрғындары мен балаларды кітап оқуға тарту мақсатында «Көне Тараз» тарихи-этномәдени кешенінде «Кітап – ғажайып әлем!» фестивалі ұйымдастырылды. Алты алаңда ұйымдастырылған фестиваль қоғам мен кітапхана арасындағы байланысты нығайтып, өскелен ұрпақты кітап оқуға тартып, бойларына мәдени құндылықтырды сіңіру мақсаттарын қөздейді.

Фестивальдың қонақтары Жамбыл облысы әкімдігінің мәдениет, архивтер және құжаттама басқармасының басшы орынбасары Мәдиева Сара Қабылбек қызы, Қазақстан Жазушылар және журналистер одағының мүшесі, журналист, сатирик, Жамбыл радионың жетекшісі Бақытжан Советұлы, ақын, айтыскер, «Ақ жол « газетінің тілшісі, журналист Есет Досалы және ақын, журналист, 2020 жылы Елбасы Қоры ұйымдастырған «Алтын Тобылғы» байқауының «Балалар әдебиеті» номинациясы бойынша бас жүлденің жеңімпазы, Республикалық Жазушылар Одағының Жамбыл облыстық филиалының директоры, Республикалық «Егемен Қазақстан» газетінің Жамбыл облысы бойынша меншікті тілшісі Хамит Есаман.