1 қазан – Қарттар күніне орай халықтың рухани байлығын дамытып, жас жеткіншектердің бойына үлкенді сыйлап, тыңдай білуге, халқының салт-дәстүрінен нәр алуға, инабаттылық пен мейірімділікке тәрбиелеу мақсатында «Қариялы ел – қазыналы ел» мерекелік кеш ұйымдастырылды.

⠀

Қашанда үлкенді сыйлау, қарияны құрметтеу дәстүрі – қазақ халқының ата салты екені белгілі. Елімізде қарт адам­дарға деген ықылас жыл сайын артып, мемлекет тарапынан оларға көрсе­тілетін көмектің көлемі де ұлғайып келеді.

⠀

Кеш қонағы Салықова Нұрсифат Рақымбайқызы – «Қазақстан Республикасы Мемлекеттік сыйлығының лауреаты», «Қазақстан Республикасының мәдениет қайраткері» атағының, «Еңбек ардагері» медалінің иегері, актриса, жастарға мейірімділік туралы монолог оқыды.

⠀

Өнер иесі Жаңабаева Күлімбала Шәмшіге арнап өлең орындады.

⠀

Сондай-ақ көпті көрген дана-гөй қарттар Какибаев Қалтай, Жолмағанбетов Жамбырбай, Сексенбаев Амангелді, Сексенбаева Зура өнегелі өмірін үлгі ете отырып, ғибрат боларлық сөздерін бойларына сіңіріп, өз өмірбаяндары жайында сұхбат берді.

⠀

Кітапханамыздың тұрақты оқырмандары мерекелік кеште ән айтып, би билеп өз өнерлерін көрсетті. Асыл қазыналарымыз жас ұрпаққа ақ баталарын берді.

joomlamodniyportal.ru