балалар мен жасөспірімдер кітапханасы

Семей ядролық полигонында 40 жыл бойы жүргізілген сынақтардың адамдарға, қоршаған ортаға әсері туралы мағлұмат беріп, қоршаған ортаның ластануы тіршілік иелеріне өте зиян келтіретінін айтып, келешекке табиғат тағдыры өз қолдарында екені туралы түсіндіру, оқырмандармен ой бөлісу мақсатында «Ядролық қарусыз әлем» кездесу кеші өткізілді.

Іс-шара оффлайн және онлайн түрінде өткізілді.

Семей полигоны – әлемдегі ең ірі полигонның бірі. 1989 жылдың ақпанында Семейдегі атом полигонын жабу үшін күресті бастауға ұйғарған «Невада-Семей» қозғалысының алғашқы митингісі өткізілді. Оны басқарған белгілі қоғам қайраткері, ақын Олжас Сүлейменов. Халықтың бастамасымен тұңғыш рет КСРО Үкіметі ядролық қаруды сынауға тыйым салу мораторий жасау туралы шешім шығарды. Сөйтіп, ең үлкен полигон жабылып, атом қаруынан бас тарту әрекеті жасала бастады. 1991 жылдың 29 тамызында Семей ядролық полигоны жабылды.

"Таң нұр Семей полигоны" Қазақстан ардагерлері қоғамдық бірлестігінің мүшесі - Бакенов Мұрат кітапханамызда Семей ядролық сынақ полигонында болған, сол кездегі қасіретті тарихты көргендерін айта отырып, қоршаған ортаны қорғау - әрбір адамның міндеті деген ойларымен бөлісті.