балалар мен жасөспірімдер кітапханасы

Жас журналист – жас тілші»

кездесу кеші

 

                28 маусым– Қазақстан Республикасының Байланыс және ақпарат қызметкерлерінің күніне орай қиындығы мен қызығы мол, жан-жақты білімділікті талап ететін журналист мамандығын насихаттау мақсатында «Жас журналист -  жас тілші» кездесу кеші ұйымдастырылды. Кездесуге Арайлы Жақсылық пен Арайлым Шабденова – Жамбыл-Тараз газетінің тілшілері, Шапағат Әбдірұлы – «Ар-Ай» газетінің тілшісі және Есен Өтеулиев – Жамбыл облысы бойынша қылмыстық-атқару жүйесі департаментінің баспасөз хатшысы арнайы шақырылды.

 

         Кеш қонақтары Абай атындағы Жамбыл гуманитарлық колледжінің журналистика факультетінің білімгерлері мен Мектеп олимпиадаларын және мектептен тыс іс-шараларды өткізетін облыстық орталығының «Жас тілші» үйірмесінің қатысушыларына жаңалықтың жаршысы, жақсылықтың хабаршысы болып қоғамдық ахуалдың алғы шебінде жүретін айрықша кәсіптің қыр-сырын ашып, алдарына қойған мақсаттарымен бөлісіп, тартымды әңгіме өрбітті.

joomlamodniyportal.ru