балалар мен жасөспірімдер кітапханасы

«Кітапхана түні – 2018» квест шоуы

Кітап кеңістігін кеңейтіп, оқуды дәріптеу, бос уақытты тиімді өткізудің жаңа формаларын ұйымдастыру, оқырмандарды  кітапханаға тарту мақсатында «Рухани жаңғыру – білім мен біліктіліктің дамуы» тақырыбында «Кітапхана түні - 2018» квест шоуы өткізілді. Кітапхана түні төрт бөлімнен тұрды:

1. «Күнді іздеген достар» ертегісі;
2. Тараз қаласы әкімдігінің білім бөлімінің техникалық шығармашылық орталығының шеберлік-сыныбы;
3. «Мейірім» мектеп интернатының мүмкіндігі шектеулі балалармен жұмыс;
4. «Жүзден жүйрік мыңнан тұлпар» интелектуалды ойыны.

 

«Күнді іздеген достар» ертегі қойылымы қатысушылардың шығармашылық қабілеттерін жетілдіру, әсемдікке баулу, достыққа, ұйымшылдыққа тәрбиелеу мақсатында қойылып, оқырмандарды бірлікке шақырады. Тараз қаласы әкімдігінің білім бөлімінің техникалық шығармашылық орталығы робототехника мен қолөнер үйірмелерінің шеберлік-сыныптарын ұсынды. Қатысушылар ұшақ макеттерін ұшырса, «Мейірім» мектеп- интернатының мүмкіндігі шектеулі оқырмандары екі топқа бөлініп, Астана туралы өлең окып, пазл құрастырып, суреттерді бояды. «Жүзден жүйрік мыңнан тұлпар» интеллектуалды ойын №1355 әскери бөліммен №8 мектеп оқырмандар арасында ойнатылды. Екі топқа бөлінген қатысушылар, сканворд шешіп, ақын жазушылар туралы білімдерін толықтырды. Сонымен қатар өлеңдерін нақышына келтіріп оқып, мақал-мәтелдерді аяқтады. Ұйымдастырушылар квест шоуға белсенділік көрсетіп, қатысқан оқырмандарға алғыстарын білдіріп, құнды сыйлықтармен марапаттады.

joomlamodniyportal.ru