балалар мен жасөспірімдер кітапханасы

«Астана бақыт ордасы»

әдеби музыкалық қонақжай

 

Д.А Қонаев атындағы Жамбыл облыстық балалар мен жасөспірімдер кітапханасының ұйымдастыруымен «Астана бақыт ордасы» тақырыбында №1355 әскери жас сарбаздардың қатысуымен әдеби музыкалық қонақжай кеші өткізілді.

 

Іс-шара Астана туралы тарихи мәлiметтердi ұрпақтан-ұрпаққа жеткізу және өскелең ұрпақты отансүйгіштікке баулу мақсатында ұйымдастырылып, оқырмандар қауымы қазақ жерінің кіндігіне айналған Астананың тарихымен танысып, мемлекетіміздің биік мәртебесі, жоғары дәрежесі, елдік пен тұтастықтың, бірліктің тұтқасы екендігін таныды.

Кеш барысында оқырмандарға Астана қаласының көрікті де керемет ғимараттары мен зәулім сарайлары бейнеленген слайд шоу көрсетілді.

Жанайдар Болатбекұлы, Сейітбек Мерей, Теміржанов Қайсар, Ихсанғалиев Жандарбек Мұқағали Мақатаевтың, Күләш Ахметованың өлеңдерін нақышына келтіріп оқып, оркестрдің музыкалық сүйемелдеуімен Азизов Ялкуннің орындауында «Мен қазақпын», «Жан дала - Жаннат дала!», «Үш бақытым», «Жорға» патриоттық әндер шырқалды. Қатысушылар Астана қаласы туралы сұрақтарға жауап беріп, ойларын ортаға салып, пікір алмасты. Кеш соңында «Астанаға 20 жыл» атты кітап көрмесіне шолу жасалды.

 Іс-шараға 25 жас сарбаздар мен оқырмандар қатысып, 8 оқырман тіркелді.

joomlamodniyportal.ru