«Әлемді кітап арқылы танимын» ең көп оқитын оқырмандар арасында өтетін «Султан Қалиев оқулары» атты облыстық байқауы

«Әлемді кітап арқылы танимын»

ең көп оқитын оқырмандар арасында өтетін

«Султан Қалиев оқулары»

атты облыстық байқауы

Жамбыл облысы әкімдігінің мәдениет, архивтер және құжаттама басқармасының қолауымен Д.А.Қонаев атындағы Жамбыл облыстық балалар мен жасөспірімдер кітапханасының ұйымдастыруымен қазақтың аса көрнекті балалар жазушысы, ақын Султан Қалиевтің туғанына – 75 жыл толуына орай «Әлемді кітап арқылы танимын» ең көп оқитын оқырмандар арасында «Султан Қалиев оқулары» атты облыстық байқауы өткізілді. Кітапхана ұжымы ауылдан, ауданнан іріктеліп алынған балаларды қарсы алып, жазушының шығармашылығынан жасалған «Балаларға базарлық» атты кітап көрмесін ұсынды.

Байқауға шақырылған қонақтар Жамбыл облысы әкімдігінің мәдениет, архивтер және құжаттама басқарманың орынбасары Сембина Зүбайра Жарқынқызы, Қазақстан Жазушылар одағының мүшесі, сатирик жазушы Әлімқұлов Бақытжан Советұлы, Қазақстан журналистер одағының мүшесі, айтыскер ақын Есет Досалы және жазушы, журналист, ақын Демешев Құрмаңғазы Мыңжасарұлы төрелік етті.

Сонымен қатар Сұлтан Қалиев ағамыздың інілері Айдаров Жарқынбек Мейірманқұлұлы мен Есенаманов Кәрібай Қалиұлы және қарындасы Мейірманқұлова Тұрғанай қонақ болып келді.

Байқау жас ерекшеліктеріне қарай 2 топтан тұрды. Байқауға кітапхананың оқырманы болып табылатын 7 мен 10 жасқа дейінгі және 10 мен 15 жас аралығындағы оқырмандар қатысты.

Байқау 4-кезеңнен құралып:

1.«Мен кітапхананың тұрақты оқырманымын» сайыскердің өзін – өзі таныстыруы (3 мин).

2.«Султан Қалиев – балалар әдебиетінің көрнекті ақыны» С.Қалиевтің өлеңін жатқа оқу немесе әңгімелерінен сахналық қойылым қою (3 мин).

3.«Портрет галереясы» 1-ші топ үшін – ертегі кейіпкерді, ал 2-ші топ үшін – тарихи ескерткішті табу (3 мин).

4.«Әдеби бәйге» Султан Қалиевтің өмірі мен шығармашылығы туралы сұрақтарға жауап беру.

Байқауды ұйымдастырушылар мен сарапшылар алқасының ұйғаруымен жеңімпаздар анықталып, қатысушылар арнайы сыйлықтармен және дипломдармен марапатталды. 7-10 жас аралығындағы қатысушылардың арасынан І-орын - Талас ауданы Бейбіт Алина, ІІ-орын - Меркі ауданы Бақытжан Диас, ал ІІІ орынды - Сарысулық Мәжіт Медина мен Жамбыл ауданы Разбай Инсан бөліп алды. 10-15 жас аралығындағы І-орын - Жуалы ауданы Кари Меруерт, ІІ орын – Жамбыл ауданы Алипчеева Махаббат пен Байзақ ауданы Мырзакулова Венера, ал ІІІ орын - Шу ауданы Сатыбалдиева Минуара жеңіп алды. Қалған қатысушалар алғыс хатпен марапатталып, естелікке жұбаныш сыйлықтарды алды.