балалар мен жасөспірімдер кітапханасы

«Ешкім де ешнәрседе ұмытылмайды» кездесу кеші

 

Оқырмандарды адамгершілікке, Отанын сүюге, оны қорғауға баулу; Отанға деген сүйіспеншілігін арттыру, оларға патриоттық тәрбие беру; балаларды Ұлы Отан соғысымен, қазақстандықтардың ерлік істерімен таныстырып, ой-өрісін дамыту мақсаттарында 9 мамыр – Жеңістің 73 жылдығына орай «Ешкім де ешнәрседе ұмытылмайды» кездесу кеші ұйымдастырылды.

 

Іс-шара Оңтүстік Қазақстан облысының Ы.Алтынсарин атындағы балалар кітапханасымен бірлесіп онлайн түрінде өткізілді. Шараға тыл ардагерлері Абдрахманов Шерім және Бекмусаева Тұрсынай қатысты.

Шара барысында ардагерлер соғыс кезінде тылда жасаған жұмыстарымен майдангерлерге көрсеткен көмектері туралы әңгімеледі. «Елдің көркі ерімен, Отан көркі жерімен» дегендей ел басына қатер төнген жылдары кеудедегі шыбын жаны қалғанша жаумен жаға жыртысқан батыр аталарымыздың ерлігін келер ұрпаққа таныстырып өтті. Әрдайым құрметке лайық кісілердің өмір жолы, жасаған ерліктері айтылып, сұрақтар қойылды.

Оңтүстік Қазақстан облысынан Ы.Алтынсарин атындағы балалар кітапханасынан қосылған әріптестеріміз әдеби композиция көрсетіп, ардагерлерді мерекелерімен кұттықтады.

Кітапхана мерекеге сай безендіріліп, ардагерлердің фотосуреттерінен жасалған слайд көрсетіліп, «Ұлы Жеңіске мың тағзым!» атты кітап көрмелері жасақталды.

         Көрмеге 67 кітап қойылды, қатысушылар саны -55, 22 оқырман жаңадан кітапханаға тіркеліп, 15 кітап қолға берілді.

Шара соңында қонақтарға арнайы сыйлықтар мен гүл шоқтары тартылды. Кеш соңында ардагерлерге зор денсаулық, ұзақ өмір мен өшпейтін ерлік үшін шынайы алғыс айтылды.

joomlamodniyportal.ru