балалар мен жасөспірімдер кітапханасы

«Тіл дамыту – ой дамыту»

мақал-мәтел сайысы

 

Д.А.Қонаев атындағы Жамбыл облыстық балалар мен жасөспірімдер кітапханасының ұйымдастыруымен 21 ақпан – Халықаралық ана тілі күніне орай Төле би атындағы №8 мектеп гимназиясының орта буын оқушыларының қатысуымен «Тіл дамыту – ой дамыту» мақал-мәтел сайысы өткізілді.

Іс-шараның мақсаты: мемлекеттік тілдің мәдениетін көтеру, әдебиетті насихаттау, оқушыларды өз ана тілінің қадір-қасиетін біліп, өз тілінің көркемдігін сезініп, сөз құдіретін түсініп, оның адам өміріндегі маңызын ұғынуға үйрету. Тіл әуезділігін, көркемдігін, байлығын, шешендігін көрсететін нақыл сөздер, мақал-мәтелдер арқылы оқушы дүниетанымын, ой-өрісін дамыту. Тіл тазалығын сақтау, мәдениетті сөйлеу, шешендік өнерді оқушы бойына сіңіртіп, ана тіліне сүйіспеншілігін қалыптастыру, тіл туралы мәтіндер, өлеңдер, мақал-метелдер, нақыл сөздер арқылы сана-сезімдерін оятып, өз елін, жерін, Отанын, туған халқының тілі мен салт-дәстүрін қастерлейтін саналы да парасатты азамат етіп тәрбиелеу.

Қазақстан Республикасының мемлекеттік тілі – қазақ тілі. Мемлекеттік тілді меңгеру – Қазақстан Республикасының әрбір азаматының парызы.

Іс-шара барысында кітапханашы оқырмандармен әңгіме, пікірталас жүргізіп, мемлекеттік тілді білудің маңыздылығы туралы түсінік беріп өтті. Осы мерекеге байланысты «Мақал сөздің мәйегі» тақырыбында тіл туралы мақал-мәтелдерден сайыс өткізілді. Оқушылар сайысқа қатысып, белсенділік танытты. Кітапханашы оқырмандарға әр түрлі сұрақтар қойып, тапсырмалар орындатты. Алдын ала берілген тапсырма бойынша оқушылар өз шығармашылықтарынан тіл туралы өлеңдер, эссе-шығармаларын оқыды.

Шара соңында «Тіл – ел байлығы» атты кітап көрмесі ұйымдастырылып, библиографиялық шолу жасалды. Қасымова Г. Қазақ тілінің тарихы [Мәтін] / Г.Қасымов Оқу құралы -Алматы: «Баянжүрек», 2007.-272 б., Тіл туралы толғам [Мәтін] /-Астана: «Ер-Дәулет» 2007.- 160 б., Абдулина Б.Ш. Кәсіби қазақ тілі [Мәтін] / Б.Ш.Абдулин – Астана: «Фолиант», 2007.-120 б., Хасенов Ә. Тіл білімі [Мәтін] / Ә.Хасенов – Астана: «Ер-Дәулет», 2007.-128 б., т.б. мерзімді басылым беттерінен алынған материалдар қойылды.

Тиімділігі: 25 оқырман қатысып, кітап көрмесінен 20 кітап қойылды, 12 кітап қолға берілді, 15 оқырман жаңадан жазылды.

joomlamodniyportal.ru