«Біз бақытты балдырған» бэби-шоу

Жамбыл облыстық балалар мен жасөспірімдер кітапханасында 1 маусым – Халықаралық балаларды қорғау күніне орай «Біз бақытты балдырған» атты бэби-шоу өткізілді. Іс-шараға №13 балабақшаның тәрбиешілері мен балалары, №8 Төле би атындағы мектеп-гимназиясы жанындағы жазғы лагерде демалушылар қатысты.

Іс-шараның мақсаты балаларға шын көңілден шаттық көңіл-күй сыйлап, әр-түрлі ойындар ойнату арқылы жеке қасиеттерін дамыту, тақпақ, өлең, әндерді нақышына келтіре айтуды үйрету, бір-бірін сыйлауға, адамгершілік қасиеттерін жоғалтпауға, достыққа, бірлікке тәрбиелеу.

Аталмыш іс-шара «Ертегілер әлемі» атты әнімен басталды. Ертегі кейіпкерлері балаларды қарсы алып, түрлі спорттық ойындар ойнауға шақырды. Кітапхананың кішкентай оқырмандары «Тышқан мен мысық», «Ұшты, ұшты», «Қимақ» «Сақина жасыру» атты ойындарын ойнап, белсенділік танытты. Балабақша бүлдіршіндері «Кір қуыршақ», «Кукарела», «Лента» биін билеп, өлеңдер оқып, мерекеге атсалысты. Мерекелік кеште барлық балаларға тәттілер мен балмұздақ беріліп, ең үздік қатысушылар алғыс хатпен марапатталды. Мереке соңында балалар «Біздің Қазақстан» тақырыбына бормен асфальтта сурет салды. Балалардың назарына «Ілулі кітап» көрмесі ұйымдастырылып, «Алдар Көсе», «Менің атым Қожа», «Тазша бала», «Қазақ ертегілері», «Гарри Поттер», «Рикки-тикки-тави» сияқты көптеген кітаптар ұсынылды.