балалар мен жасөспірімдер кітапханасы

Оқырмандардың қоршаған ортаға деген махаббат құндылықтары жайлы түсініктерін кеңейту.

⠀

Шығармашылық қабілеттерін, жақсылық жасай білу іскерліктерін, ойлау қабілетін дамыту, өз ойын еркін жеткізе білуге дағдыландыру.

⠀

Табиғатты қорғауға, елін, жерін сүюге, мейірімділікке, ізгілікке тәрбиелеу, экологиялық тәрбие беру мақсатында «Атамекен» клубының мүшелерімен «Табиғатты аяла» тақырыбында танымдық сағат өтті.

⠀

Кітапханашы оқырмандарға үлкен — кіші әрдайым табиғатты таза ұстап, құрмет тұту қажет екендігін айтып,оқырмандарға түсінік берді.

⠀

Оның бізге қаншалықты қажет екені баршамызға аян, сондықтан аялап ұстауға бағыттауға шақырды. Оқырмандарды табиғатта дұрыс жүріп тұруы, әр талын, әр жапырағын, әр бұтасын бағалай білу үшін өткізілген іс шара болатын. Біз табиғаттағы әрбір жайқалып тұрған гүлге, мәуелеп тұрған ағашқа қамқорлық танытуымыз қажет екендігін ұғындырды.

⠀

«Бір тал кессең, он тал ек» демекші, айналамызда табиғаттан лас иісті, ауру тудырушы бактерияларды жоюшы тал, жасыл желек керек. Табиғаттың қорғаны жас ұрпақ. Табиғат адамның бойына қуат, өзіне шабыт беруші. Табиғат біз киетін киімді, оқитын кітапты, тамақтанатын тағамды, ас дақылдарын бәрін де табиғаттан алатынымыз жайлы түсіндірілді.

⠀

Оқырмандар өздерін іс-шара барысында белсенді ұстап табиғатқа деген жанашырлық сезімдерін көрсетіп, өздері білетін өлеңдерін, мақал-мәтелдерін айтып, туған жеріміздің экологиясын қалпына келтіруіміз үшін өсімдіктердің санын көбейтуге өз үлестерін қосу керектігін сезініп түсінді.

joomlamodniyportal.ru

Comments

22 Наурыз — Ұлыстың ұлы күні «Қош келдің, әз Наурыз!» Бауырсақ Party

⠀

Ұлыстың ұлы күні — Наурыз мерекесін тойлау, ұлтымыздың салт-дәстүрлерін көрсету, насихаттау мақсатында кітапханада оқырмандармен бірге «Қош келдің, әз Наурыз!» бауырсақ Party ұйымдастырылды.

Ұлттық киімдегі кітапхана қызметкерлері қазақ халқының ұлттық тағамы бауырсақ пісіруде белсенділік танытты. Аналар қазанға май қыздырып, қамыр жаюдан шеберліктерін көрсетсе, әкелер қазан-ошақ жайын қамдады. Жаңару мерекесі аясында ұйымдастырылған «Бауырсақ party» шарасында 20 келідей бауырсақ пісіріліп, ыстықтай үйлестірілді.

Іс-шараға қатысқан оқырмандар «ас атасынан» дәм татып, кітапхана ұжымының мерекелік тартуына ризашылығын білдірді.

joomlamodniyportal.ru

Comments

Наурыз мейрамы - көктем мейрамы және Орталық Азия халықтарының Жаңа жылы.

Қазақ халқының ұлы мерекесі Наурыз мейрамы жөнінде түсінік бере отырып, халқымыздың салт – дәстүрін бойларына дарыту арқылы, шынайылыққа, адамгершілікке, ұлтжандылыққа тәрбиелеу, мейрамның ең қадірлі дәмдері мен қасиетті сөздерін кеңінен насихаттау, оқырмандардың ойлау, қабылдау, зейін қабілеттерін дамыту, жүйелі сөйлеуге, мерекелік көңілін көтеру, елге деген сүйіспеншілікпен бірге, салт-дәстүрді құрметтеуге тәрбиелеу мақсатында кітапханамызда көктемнің жарқын мерекесі Ұлыстың ұлы күні Наурыз мейрамына орай «Наурыз келді – құт береке кірді» онлайн библиошар откізілді.

Іс-шара барысында оқырмандарға ұлы мереке жөнінде толық мағлұмат бере отырып, жасақталған көрмеге ілінген арнайы шарлар арқылы ұлыстың ұлы күні Наурыз мейрамы туралы викториналық сұрақтар берілді, белсене қатысқан оқырмандар өз ойларын ортаға сала отырып, білімдерін әрі қарай шыңдай түсті.

joomlamodniyportal.ru

Comments