Сайтта кім бар
Қазір 46 қонақ және Бірде бір тіркелген қолданушы жоқ сайтта отыр
Д.А. Қонаев
Қазақстан - Ұлы Дала Елі
Бір ел-бір кітап
Кітапхананың 65 жылдық мерейтойына орай кітапхананың тарихына шолу жасап, кітапханалық жұмыстың жаңа тәсілдері мен көпшілік іс-шараларды, оқырмандарды кітапханаға тарту үшін түрлі заманауи жобалар және бағдарламаларды қонақтар мен аудан кітапханашыларына таныстыру мақсатында «Кітапхана – білім ордасы» мерекелік кеш пен «Кітап және оқу: дәстүр мен жаңашылдық» митап ұйымдастырылды.
Кеш қонақтары Әбілов Меңдібай Әбілұлы – «Балдырған» журналының авторы, жазушы, филология ғылымының кандидаты; Сәттібайұлы Көсемәлі – Қазақстанның еңбек сіңірген қайраткері, жазушы, журналист, Қазақстан Жазушылар одағының және Қазақстан журналистер одағының мүшесі; Хамит Есаман – ақын, «Aq jol» газетінің бас редакторы, Халықаралық «Шабыт» фестивалінің лауреаты және ардагер кітапханашылар:Жақсыбаева Әлия Төлеубекқызы, Ысқақ Мейрамкүл Елеукенқызы және Жанболатова Гүлжан Әзімханқызы бала кезінде алғашқы оқыған кітаптары туралы айтып, кітапханаға жылы лебіздерін білдірді.
Кеш барысында «»Ай-жұлдыз» би ансамбілінің қатысуымен мерекелік концерт ұйымдастырылып, кітапхананың ең көп кітап оқыған және іс-шараларға белсене атсалысқан оқырмандар марапатталады. Оларға сымсыз құлаққаптар, блендер, ұялы телефон және бас жүлде велосипед сыйға тартылды.
Облыс бойынша үздік деп танылған Сарысу, Байзақ және Меркі аудандық балалар кітапханаларының меңгерушілері өздерінің үздік іс-шараларымен, жобаларымен таныстырып, тәжірибе алмасты. Қатысушыларға «MEGA ТҰЛҒА» дамыту орталығының жетекшісі, педагог-психолог А.Сахыбаева «Балам ақылды болсын десеңіз.... және бұл миссиядағы кітапхана рөлі» тренинг өткізді.
CommentsОқырмандарды Пернебай Дүйсенбинің өлеңдері, әнгіме және ертегілермен таныстыру, балаларды тәлім-тәрбиеге, адамгершіліке, білімділіке тәрбелей отырып, шығармашылық қабілеттерін дамыту мақсатында «Бала жанының бағбаны» дауыстап оқу марафоны өткізілді.
Іс-шара барысында жазушының кітаптарын насихаттай отырып, Пернебай Дүйсенбинің өмір баяны туралы толық ақпарат берілді.
Оқырмандар жазушының өлеңдерінен үзінді оқып, сұрақ-жауап алмасу арқылы өз ойларын ортаға салды.
Кликните, чтобы открыть изображение!
https://jobjk.kz/kz/neg/homepage-4.html?start=304#sigProGalleria5729330ec7
Н.Тілендиев атындағы көпбалалы және аз қамсыздандырылған отбасы балаларына арналған мектеп-интернаты оқырмандарының қатысуымен мемлекеттік сыйлықтың иегері, халық жазушысы – Тахауи Ахтановтың туғанына 100 жыл толуына орай, өмірі мен шығармашылығын насихаттай отырып, «Рухы биік жазушы» тақырыбында библиографиялық этюд өткізілді.
Алғашқы шығармашылық ізденісін өлеңнен бастаған жазушы туралы кітапханашы кеңінен мағлұмат беріп, Тахауи Ахтанов туралы сұрақтар қойылып, жауаптар алынды.
Іс-шара соңында оқырмандар «Рухы биік жазушы» көрмесімен танысып, жазушының кітаптарына библиографиялық шолу жасалды.
Кликните, чтобы открыть изображение!
https://jobjk.kz/kz/neg/homepage-4.html?start=304#sigProGalleria522ee85403
«Нұрғиса Тілендиев атындағы көп балалы және аз қамсыздандырылған отбасы балаларына арналған мектеп-интернаты» оқырмандарының қатысуымен детектив жанрында қалам тартқан жазушы Кемел Тоқаевтың 100 жылдығына «Детектив жанрының хас шебері» тарихи-бенефис өтті.
Іс-шара барысында оқырмандар жазушы Кемел Тоқаевтың өмірі мен шығармашылығы туралы ақпараттар алып, соғыс кезеңіне арнап жазылған шығармаларымен тереңірек танысып, ондағы көріністердің еш боямасыз, шынайы, әдеби көркем тілмен суреттелгені туралы айтып, ойларымен бөлісті.
Жазушының шығармаларына арналған кітап көрмесіне «Тасқын», «Көмескі із», «Түнде атылған оқ», «Қастандық», «Сарғабанда болған оқиға», «Таңбалы алтын», «Соңғы соққы», «Ұясынан безген құс», «Солдат соғысқа кетті» атты тарихи романы қойылып, шолу жасалды.
Кликните, чтобы открыть изображение!
https://jobjk.kz/kz/neg/homepage-4.html?start=304#sigProGalleria8ba098301d
Тілдерді ауыстырғыш
Кітапхана әлеуметтік желіде:
www.screenreader.tilqazyna.kz
