балалар мен жасөспірімдер кітапханасы

Оқырмандардың ой-өрісін дамыту, білімін жетілдіру, мемлекетіміздің, халқымыздың бірлігін, ағайынның татулығын сақтау бәріміздің ортақ парызымыз екенін жете түсіндіру, насихаттау мақсатында Қазақстан халқы Ассамблеясына 20 жыл толуына орай «Тілегіміз-татулық, тірегіміз-тұрақтылық» тақырыбында кітап көрмесі ұйымдастырылды.

Жамбыл облыстық балалар мен жасөспірімдер кітапханасының мерзімді басылымдар секторында патриоттық рухы жоғары, қайсар жауынгер ағалар ерлігін үлгі ету; опат болған жауынгерлер рухына тағзым етуге, есімдерін қастерлеуге, қордағы бар мәліметтерді насхаттау мақсатында Ұлы Жеңістің 70 жылдығына орай «Ұлы Жеңіске мың тағзым» тақырыбында кітап көрмесі ұйымдастырылды. Көрмеге Ұлы Отан соғысына арналған кітаптар мен Отандық және жерлес жауынгерлеріміздің шығармалары, майданға қатысқан азаматтардың тізімі топтастырылып жинақталған кітаптармен майдан жырын жырлаған ақын - жазушылардың кітаптары қойылды.

Қазақ хандығының құрылу тарихымен таныстыру, тұңғыш қазақ мемлекетінің құрылуына негіз қалаған қоғам қайраткерлерінің еңбегін бағалай білуге тәрбиелеу, өз елінің тарихына, адал ұлдарына деген құрмет сезімін қалыптастыру мақсатында Қазақ хандығының 550 жылдығына орай «Қасиетіміз, қастеріміз қазақ хандығы» тақырыбында ұйымдастырылды. Сондай-ақ «Баспасөз әлемінде», «Оқы, бұл қызық»,«Қуатты Қазақстанның қарышты қадамдары», «Тұғыры асқақ туған ел» тақырыптарында мерзімді басылымдар секторында кітап көрмелері ұйымдастырылды.