балалар мен жасөспірімдер кітапханасы

Қазақ өнерінің тамыры тереңге таратқан алтын діңгегі алтындай тума дарындар, әншілік қырлары ешқашан бірін-бірі қайталамайтын халқымыздың мақтанышы мен ардағына айналған. Жақсысына құрмет көрсеткен, барын бағалаған елдің абыройын артып, мерейі өсе береді.

     Қазақ хандығының дербес мемлекет ретінде құрылуына негіз болған хандар мен тарихи оқиғалар туралы нақты түсінік беру мақсатында №16 Д.М. Карбышев атындағы мектептің 5-ші сынып оқушыларымен іс-шара өткізілді. Қазақ хандығының 550 жылдығына арналған ретро-беташар А.Галиевтің «Керей мен Жәнібек» кітабы бойынша «Қазақ хандығы» деген атаумен өткізілді. Іс-шара барысында электронды презентация көрсетіліп, қазақ хандығының қалай құрылғандығы жайында мәліметтер берілді. Галиевтің көркем туындысында Қазақ хандығының негізін қалаған екі хан Керей мен Жәнібектің өмір жолы суреттелген. Оқушыларға осы кітаптың ішіндегі бірнеше аңыз әңгімелер айтылып шолу жасалынды. Қатысушылар қазақ халқына тән құндылықтар мен батырлар жайында өз білгендерін айтып іс- шараны қортындылады. 

     2015 жылдың 4-наурызында әдістемелік және ақпараттық - библиография бөлімінің ұйымдастыруымен елінің атын шығарып, халқын құрметке бөлеген, жұртын тәнті қылып, өскелең ұрпағына үлгі-өнеге болған даңқты, ерекше дара жаратылған біртуар алып тұлғалардың бірі, жазушы, қазақ ауыз әдебиетін зерттеуші, ғалым, тарихшы – Мұхтар Мұқанұлы Мағауиннің 75 жылдығына байланысты «Қазақ прозасының көшбастаушысы» атты ақпарат сағаты өткізілді.