Жамбыл облыстық балалар мен жасөспірімдер кітапханасы

«Діни экстремизм қатерлі құбылыс» атты онлайн ашық микрофон

«Рухани Жаңғыру» бағдарламасының «Туған жер» арнайы жобасы аясында жастар арасындағы діни ағымдар мен эстремизмге, терроризмге қарсы тәрбиелеу мақсатында «Діни экстремизм қатерлі құбылыс» атты онлайн ашық микрофон өткізілді.

Іс-шараға «Дін проблемаларын зерттеу орталығы» КММ-нің ақпараттық түсіндіру бөлімінің инспекторы Бекмолдаев Бексұлтан Русланұлы қатысып, оқырмандар қойған сауалдарға жауап берді. Экстремизмнің мүшелері көздеген мақсаттарына жету үшін еш нәрседен қаймықпайтынын, күш, қару қолдану арқылы, дін атын бүркемелеп, заңдарды аяққа таптап, негізгі ойларын жүзеге асыруға тырысатындығын ашық әрі түсінікті жеткізді.

«Діни экстремизм қатерлі құбылыс» атты онлайн ашық микрофон

Comments

«Қарттарын қадірлеген ел ардақты» атты кездесу кеш

Қарттарға қамқорлық – біздің халқымыздың санасына терең сіңген қасиет. Ардагерлер – еліміздің алтын қоры. Олар бүкіл саналы ғұмырын, қажыр-қайратын ел игілігіне, ұрпақ тәрбиесіне жұмсады. Кейінгі буын да өз кезегінде алдыңғы толқын ағалардың салған сара жолын лайықты жалғастырып келеді.

«Рухани жаңғыру» бағдарламасының «Туған жер» арнайы жоба аясында саналы ғұмырларын Отан деп, тынымсыз еңбектерімен мемлекетіміздің негізін салуға жол ашқан қарттарымыздың төл мерекесі қарсаңында Д.А.Қонаев атындағы халықаралық қордың Жамбыл облыстық бөлімшесінің мүшелерінің қатысуымен «Қарттарын қадірлеген ел ардақты» атты кездесу кеші өткізілді. Кеште «Үкілім-ай» би ансамблінің бишілері, Облыстық жасөспірімдер үйінің тәрбиеленушілері өнерлерін көрсетті.

Қонақтар мерекелік бағдарламаға ризашылығын білдіріп, жас ұрпаққа ақ батасын берді.

Кликните, чтобы увеличить изображение 001.jpg

Кликните, чтобы открыть изображение!

Посмотрите вложенную галерею изображения онлайн в:
https://jobjk.kz/kz/neg/homepage-4.html?id=1062&start=748#sigProGalleriada0813ef46

Comments

«Жасырғам жоқ ештеңе өлеңімнен» атты Шырын Мамасерікованың 75 жас

Д.А. Қонаев атындағы Жамбыл облыстық балалар мен жасөспірімдер кітапханасында "Рухани жаңғыру" бағдарламасының "Туған жер" арнайы жобасы аясында «Жасырғам жоқ ештеңе өлеңімнен» атты Шырын Мамасерікованың 75 жас мерей тойына арналған кездесу кеші өтті.

Жамбыл облысының мақтанышы бірнеше облыстық, республикалық ақындар айтысына қатысып, жүлдегер атанған, «Қазақстан Республикасының Білім беру ісінің үздігі» белгісімен, «Ерен еңбегі үшін» медалімен марапатталған, Қазақстан Жазушылар Одағының мүшесі, «Жыл құстары», «Гәкку», «Назерке», «Нәзік нақыш», «Асылдың сынықтары», «Арман гүлі» атты кітаптарының авторы ақын Шырын Мамасерікованың 75 жас толуына орай оқырмандарға ақын өмірі мен шығармашылығы, ақынның туған жерге деген сүйіспеншілігін жеткізу, поэзияны мәнерлеп оқу дағдыларын жетілдіру мақсатында кездесу кеші өткізілді.

Іс- шара барысында Шырын Мамасерікова өзінің туып өскен жері, алғаш жазған туындылары жайлы айтты. Оқырмандарымыз ардақты ақынның өлеңдерінен үзінді оқып, әсем әуендерін арнады.

Іс-шара соңында «Поэзия аққуы» кітап көрмесі таныстырылып, Шырын Мамасерікова аяулы ана ретінде өскелең ұрпаққа ізгі тілегін білдірді.

Кликните, чтобы открыть изображение!

Посмотрите вложенную галерею изображения онлайн в:
https://jobjk.kz/kz/neg/homepage-4.html?id=1062&start=748#sigProGalleria1f53e94d11

Comments

«Идеядан жобаға дейін» тич-ин

Елбасы Н.Ә.Назарбаевтың «Рухани Жаңғыру» бағдарламасы «Туған жер» арнайы жобасы аясында Д.А.Қонаев атындағы Жамбыл облыстық балалар мен жасөспірімдер кітапханасы Жамбыл облысы әкімдігінің мәдениет, архивтер және құжаттама басқармасының ұйымдастыруымен облыс көлеміндегі балалар кітапханалары арасында «Идеядан жобаға» дейін тич-ин өткізді.

⠀

Шерхан Мұртаза атындағы «Руханият және тарихтану» орталығында өткен тич-инді Жамбыл облысы әкімдігінің мәдениет, архивтер және құжаттама басқарма басшысының орынбасары Амалов Лесбек Сәрсембекұлы алғы сөз алып, халқымыздың мәдениетін, әдебиетін, тарихын, өнерін насихаттауға, еліміздің білім салаларының дамуына, үлес қосып келе жатқан кітапханашы мамандарға шексіз ілтипатын жеткізді.

⠀

Д.А.Қонаев атындағы Жамбыл облыстық балалар мен жасөспірімдер кітапханасының директоры Инкарбекова Гульфайруз Қапарқызы «Кітапхана – ұлттық тәрбиенің қайнар көзі» баяндамасында кітапхананың жобалары мен байқаулары туралы айтты.

⠀

Басқарма басшысынан кейін сөз алған Жамбыл облысының "Рухани жаңғыру" жобалық офисінің басшысы Қуатова Зарина Пердыбекқызы Бағдарламаның басым бағыттары және арнайы жобалармен тиімді жұмыс жасау жолдарын түсіндіріп, өңірдегі жүзеге асырылған және алдағы атқаратын жұмыстарды атап өтті.

⠀

Тич-инді 40-тан астам жобаның авторы, «Үздік кітапханашы» медалінің иегері, Алматы қаласы Орталықтандырылған кітапханалар жүйесінің филиалы – С.Бегалин атындағы Орталық қалалық кітапхананың жетекшісі – Конарова Алма Сейсенқызы жүргізді. Қатысушыларға «Жас оқырмандарға оқуды насихаттау, кітаптарды танымал ету бағыттары», «Үйірме жұмысы» және «Пандемия кезіндегі жұмыс тәжірибесі (виртуалды кітапхана)» тақырыптары толық ашылып баяндалды.

⠀

Тич-инге Жамбыл облысының он ауданынан 24 кітапханашы қатысты.

⠀

Тич-иннің негізгі бөлімінен соң қатысушылар практикалық жұмысқа көшті. Алма Сейсенқызы қатысушыларды үш топқа бөліп, әр қайсысына тапсырмалар берді. Әріптестер қолда бар материалдарды қолданып, іс-шараның негізгі тақырыбын ашуды үйренді. Әр топ өзінің креативті ойын, кәсіби шеберлігін, шығармашылық қабілетін шыңдады.