балалар мен жасөспірімдер кітапханасы

Қазақтың талантты жазушысы Ілияс Есенберлиннің туылғанына 105 жыл толуына орай, №32, №12 мектеп-гимназиясының 7-9 сынып оқушыларының қатысуымен «Алты алаштың ардағы - І. Есенберлиннің  әлемі» атты оқырмандар  конференциясы өтті. Іс-шара мақсаты 19 роман мен «Көшпенділер» және «Алтын орда» қос трилогияларымен көпке әйгілі жазушының өмірі мен шығармашылығы  жөнінде оқырмандарға мағлұмат беру, трилогияның мазмұны мен кейіпкерлерімен таныстыру. ХV-ХІХ ғасырлардағы қазақ халқының тарихи шежіресін түсіндіру. Іс-шара барысында оқырмандар жазушының өмірі, шығармашылығы туралы ақпарат алып, ғұмырлық  жолы туралы бейнебаян тамашалады. Конференция соңында «Дара тұлға» кітап көрмесі таныстырылды.

joomlamodniyportal.ru

Comments

Д.А.Қонаев атындағы Жамбыл облыстық балалар мен жасөспірімдер кітапханасы биыл Абай Құнанбаевтың туғанына 175 жыл толуына орай «Абайды оқы – таңырқа» атты кітап көрмесін қолға алып отыр. Көрмеде Абай Құнанбайұлының өлең жинақтары, хикмет кітаптары, қара сөздері, жалпы шығармашылығы көрініс тауып отыр. Сондай-ақ, бұл көрмеден ұлы кемеңгердің өмір жолы мен шығармаларына арналған ғалым-жазушыларымыздың зерттеулері мен еңбектермен таныса аласыздар. Көрме жыл бойы кітапханаға келушілерге қызмет көрсетеді. Және де Абай Құнанбаевтың 175 жылдығына орай биыл жарыққа шығатын барлық жаңа дүниелер ең бірінші кезекте осында қойылып, оқырман қауымға таныстырылатын болады. Мұндағы мақсат – Абаймен танысам, зерттеймін, философиялық ойлары мен құнды мұрасын көңілге тоқимын дейтін көпшілікке тиісті жағдай жасау. Соның ішінде, келешек ұрпақ – Қазақстанның болашағы жастарға Абайды таныту, қызығушылығын ояту, ақынның шығармашылығы арқылы дұрыс тәлім-тәрбие беру. Және тек жастар емес, облысымыздың кез-келген тұрғыны осы біздің кітапханамызға келіп, көрменің жұмысымен танысуына мүмкіндігі бар.

joomlamodniyportal.ru

Comments

«Тарихыңды таны – тұлғаңды құрметте»

жас зерттеушілер арасында өтетін

«Өндірістің өзегі - Атамекен» облыстық байқау

 

Өлкені насихаттау, жергілікті кәсіпорындар мен өнеркәсібін зерттеу, жастардың интеллектуалды шығармашылық даралығын, танымдық қабілетін жетілдіру, ғылымизерттеу жұмыстарын жазуға қызығушылығын арттыру мақсатында«Тарихыңды таны – тұлғаңды құрметте» жас зерттеушілер арасында өтетін «Өндірістің өзегі - Атамекен» облыстық байқау өткізілді.

Байқау ой-өрісі, қызығушылығы, ынталы, өздігінен жұмыс жасай алатын, білімге құмарлығы жоғары дамыған, төзімді, ізденімпаз 15-25 жас аралығындағы зерттеушілерге арналған.

Әр қатысушы туған жерінің дамып келе жатқан өндірістің тарихын зерттеп, алдына қойған жоспарлары туралы мәлімет берді. Жамбыл ауданынан Алипчеева Махаббат “Asa Damu” құс фабрикасын зерттесе, Жуалы ауданынан Сәулебек Ағжан«Бурное сүт компаниясы» ЖШС-ті ұсынды. Қордай ауданынан Кумисбеков Тимур жеке «Timurbakery» кондитерлік студиясын таныстырса, Байзақ ауданынан Айтбекова Арайлым «Халық бейнесі – ұлттық киім» тақырыбында тігін цехты зерттеді. Шу ауданынан Сагынтай АружанТОО «Сити пласт»  пластикалық терезелер өндірісі туралы баяндады, алСарысу ауданынан Түйсенбай Жансая«Асыл тұз» тұз зауытын таныстырды.

Байқау барысында жас зерттеушілердің жұмыстары әділ-қазылар алқасының отырысында талқыланып, тақырыпқа сай болуына, жаңа технология арқылы көркемделу ерекшелігіне, презентацияның дизайнына, тақырыпты жан-жақты ашылуына қарай бағаланды. Сонымен қатар қатысушының өзіндік даралығы мен жаңашылдығы, бірегейлігі мен ерекшелігі көзге алынды.

         Байқау соңында үздік танылған зерттеу жұмыстарына «Жұмыстың ең үздік презентациясы үшін» Қордай ауданынан  Күмісбеков Тимур, «Ең үздік зерттеуші» Жамбыл ауданынан Алипчеева Махаббат және «Тақырыпты нақты ашқаны үшін» Шу ауданынан Сағынтай Аружан номинациялар бойынша арнайы дипломменмарапатталып, бағалы сыйлықтаралды.

joomlamodniyportal.ru

Comments