Жамбыл облыстық балалар мен жасөспірімдер кітапханасы

15 мамыр – Халықаралық отбасы күні ⠀ «Отбасы – бақыт мекені» ( онлайн виртуалды кітап көрмесі)

Отбасы — сыйластық , жарастық орнаған орта, кішкентай Отан. «Отан – отбасынан басталады» дегендей отанды сүю - отбасынан басталатыны рас! Себебі, отбасы – бала тәрбиесінің ең алғашқы ұжымы. Адамның жеке басының қалыптасуы отбасынан басталады.Оның ер жетіп өсуі, бойындағы алғашқы адамгершілік белгілер отбасында қалыптасады, сондықтан да туған үйдің жылуы – оның көкірегінде көп жылдар бойы сақталып, мәңгі есінде жүреді.

⠀

Отбасы – табиғат сыйлаған кереметтердің бірі. Отбасы – өте қажетті, басқадай еш нәрсемен өзгертуге болмайтын баспалдақ. Отбасында адамның бойындағы асыл қасиеттер жарқырай көрініп, қалыптасады.

⠀

Отанға деген ыстық сезім – жақындарына, туған-туысқандарына деген сүйіспеншіліктен басталады. Сол себепті де біз отбасын Отанның кішкентай бір бөлшегі ретінде қарастырамыз.

⠀

Өскелең ұрпақты өз отбасына деген сүйіспеншілігін арттыру, бауырмалдық, мейрімділік сезімін ояту, үлкенді сыйлау, кішіге қамқор жасау, сыпайы, ілтипатты болуға тәрбиелеу керекпіз.

⠀

Отбасының басты қазығы, алтын діңгегі – бала. Баланың жан-жақты тәрбиелі болып өсуіне отбасының ықпалы мол екендігін ашып көрсетер әдебиеттер қамтылды, осыған орай назарларыңызға видеороликті ұсынамыз.

15 мамыр – Халықаралық отбасы күні ⠀ «Отбасы – бақыт мекені» ( онлайн виртуалды кітап көрмесі)

Comments

«Ерлікке тағзым» атты кездесу

«Рухани жаңғыру» бағдарламасының «Туған жер» арнайы жобасы аясында,Ұлы Жеңістің 76 жылдығына орай «Парыз» қоғам бірлестігінің жетекшісі Әлі Бекқұлы Әліұлымен «Ерлікке тағзым» атты кездесу өтті. Б.Әліұлының бірлестік құрудағы мақсаты ҰОС қаза тапқан Жамбылдық жауынгерлерді деректеп, есімдерін ескерткішке жазғызу, хабарын ұрпақтарына табыстау.

⠀ Б.Әліұлы деректердің нәтижесі бойынша «1981-2011ж Брест қамалын қорғаған Жамбылдықтарды іздестіріп,128 жауынгер тізімін, қамал мұражайына өткізіп, 2014-2020ж Ресейдің 14 облысында, Белорустың 6 облысында 750 жауынгердің есімдерін ескерткіштеріне жазылуына қол жеткізді. 300 жауынгердің есімдерін ескерткіштеріне бұрыннан жазылғанын анықтадық.

⠀

Б.Әліұлы 40жылдан бері деректермен айналысып жатыр. Осы аралықта -1178 Жамбылдық жауынгерлер тағдырын деректеп, архив құжаттарын жинақтады. «Парыз» атты кітап жазып, хабарсыз кеткен жауынгерлерді деректеп, қаза тапқан жерін көрсеткенін айтты.ҰОС тарихи шайқастары, Мәскеу, Ленинград, Новгород, Сталинград, Курск, Смоленск, Орел, Брянск, Тверь, Псков, Воронеж, Белорусиядағы ұрыстар барысының маңызы баяндалды.

⠀

*КСРО оқу ағарту министрлігінің,
*Қазақ ССР Оқу Ағарту министрлігінің,
* ҚР Білім беру ісінің үздігі төс белгісі,
*ҚР Аманат сыйлығының иегері,
*«Даңқ» галереясының Батыры орденімен,
* Белорусияның Азат етілуінің 70 жылдығы медалімен,
*Облыс әкімінің құрмет грамотасымен,
* Облысқа сіңірген еңбегі үшін төсбелгімен,
*Ауданның құрметті азаматы,
*Облыстың «Мерейлі отбасы» байқауының бас жүлдесімен,
*Облыстық Ардагерлер ұйымының құрмет грамотасымен марапатталған.

⠀

Алдағы мақсаты- жауынгер Ыбрайым Сулейменовтың басына құлпытасын қайтып қойсақ дейміз және батырлыққа ұсынып жатырмыз. Әлемге жайылған індет басылса, жұмысты қайта жалғастыратынын басты назарға алды.

Құрметті оқырмандар! Жамбыл облысынан ҰОС қатысып, оралмаған, қаза тапқан, хабарсыз кеткен ата, әкелерің туралы мәлімет керек болса 87755394045 ұялы телефонға және This email address is being protected from spambots. You need JavaScript enabled to view it.. хабарлассаңыз болады.

Кликните, чтобы увеличить изображение 001.jpg

Кликните, чтобы открыть изображение!

Посмотрите вложенную галерею изображения онлайн в:
https://jobjk.kz/kz/neg/homepage-4.html?id=1062&start=680#sigProGalleria0ab147f232

Comments

Ж. Үшкемпіровтың туғанына – 70 жас «Менің сүйікті спортшым» (сұрақ-жауап)

Жақсылық Үшкемпіровтің қазақ спорты тарихына қосқан үлесі орасан. Боз кілемдегі жетістігі ғана емес, боз дала мен бозбалаға жасаған жақсылығы да көп болды. Елімізде спорт саласының кең қанат жаюы жолында зор еңбек сіңірді. Ол кісінің жарқын жеңісі мен жақсы істерін оқырманға насихаттау мақсатында «Менің сүйікті спортшым» тақырыбына құрастырылған сұрақ – жауапты назарларыңызға ұсынамыз.

Кликните, чтобы открыть изображение!

Посмотрите вложенную галерею изображения онлайн в:
https://jobjk.kz/kz/neg/homepage-4.html?id=1062&start=680#sigProGalleriad86534bf19

Comments

«Бір ел – бір кітап» акциясы З.Наурызбаева, Л.Калаус «Алтын тостағанды іздеу»

Қазақстанда 2021 жыл Тәуелсіздік жылы деп жарияланған болатын. Осыған орай «Бір ел – бір кітап» республикалық акциясы ел тәуелсіздігінің 30 жылдығына арналды. Акцияның аясында Балалар әдебиеті жанры бойынша таңдалған жазушы, философия ғылымдарының кандидаты, мәдениеттанушы, журналист, аудармашы Зира Наурызбаева және филолог, жазушы, блогер, әдеби редактор, сценарист, радиожүргізуші Лиля Калаустың «Алтын тостағанды іздеу» тақырыбындағы библиошарды назарларыңызға ұсынамыз.