Жамбыл облыстық балалар мен жасөспірімдер кітапханасы

«Әлемді кітап арқылы танимын»-2021

Жамбыл облысы әкімдігінің мәдениет, архивтер және құжаттама басқармасы, Д.А.Қонаев атындағы Жамбыл облыстық балалар мен жасөспірімдер кітапханасы және мектеп олимпиадаларын және мектептен тыс іс-шараларын өткізетін облыстық орталықтың ұйымдастыруымен «Рухани жаңғыру» бағдарламасының «Туған жер» арнайы жобасы аясында «Әлемді кітап арқылы танимын» ең көп оқитын оқырмандар арасында облыстық байқау ұйымдастырылды.

⠀ 2017ж – Ескен Елубаевтың, 2018ж – Сұлтан Қалиевтың, 2019 ж – Пернебай Дүйсенбиннің шығармашылықтары бойынша өткізілсе, 2021 ж - «Құрмет» орденінің иегері, Қазақстан Республикасының еңбек сіңірген мәдениет қызметкері, Қазақстан Республикасы Білім беру ісінің үздігі, Жамбыл облысының Құрметті азаматы, Халықаралық «Алаш» әдеби сыйлығының және Қазақстан Журналистер одағы сыйлығының лауреаты – Әлдихан Қалдыбаевтың өмірі мен шығармашылығына арналды.

⠀ Байқауға жас ерекшеліктеріне қарай 8-12 жас аралығындағы аудандық іріктеу кезеңінде жолдама алған 10 оқырман қатысты.

⠀

Байқауға арнайы шақырылған қонақтар – Жамбыл облысы әкімдігінің мәдениет, архивтер және құжаттама басқарма басшысының орынбасары – Мадиева Сара Қабылбекқызы, сатирик-ақын, Әлімқұл Бақытжан Советұлы, жас ақын-жазушы Шапағат Әбдір, мектеп олимпиадаларын және мектептен тыс шараларды өткізетін облыстық орталығының педагог-ұйымдастырушысы Қасымова Жібек Жұмабековна төрелік етті.

⠀

Байқау нәтижесі бойынша бас жүлдені – Жамбыл ауданы Б.Момышұлы атындағы мектептің 3 сынып оқушысы Ешназар Гүлдария, І орынды Сарысу ауданы Ш.Уәлиханов атындағы мектеп-гимназиясының 4 сынып оқушысы Сеңгірбай Мұқағали, ІІ орынды –Т.Рысқұлов ауданы «Қорағатты шағын орталықты» орта мектебінің 5 сынып оқушысы Жорабек Айшуақ, ал ІІІ орын – Байзақ ауданы Ғ.Мұратбаев атындағы мектеп-гимназиясының 5 сынып оқушысы Еркін Аружан иеленді.

⠀ Байқауды ұйымдастырушылар мен сарапшылар алқасының ұйғаруымен жеңімпаздар анықталып, қатысушылар арнайы сыйлықтармен және дипломдармен марапатталды.

Кликните, чтобы увеличить изображение 001.jpg

Кликните, чтобы открыть изображение!

Посмотрите вложенную галерею изображения онлайн в:
https://jobjk.kz/kz/neg/homepage-4.html?id=1062&start=636#sigProGalleria6128670ca1

Comments

«Бір ел – бір кітап» акциясы Ыбырай Алтынсариннің туғанына – 180 жыл «Өнер-білім бар жұрттар» (дауыстап оқу)

Жыл сайын «Бір ел – бір кітап» республикалық акциясы аясында еліміздің барлық кітапханаларында көптеген іс-шаралар мен кітап көрмелері ұйымдастырылып, акция мен таңдаулы авторлар, олардың кітаптары туралы ақпарат беріледі, сондай-ақ Қазақстанның көрнекті жазушыларының шығармалары оқырмандар назарына ұсынылады.

Осыған орай Төле би атындағы № 8 мектеп-гимназиясы оқырмандарының қатысуымен «Өнер-білім бар жұрттар» дауыстап оқу ұйымдастырылды.

Іс-шара барысында оқырмандар Ы.Алтынсариннің өмірбаянымен, шығармашылығымен таныса отырып, әңгімелерінің мағынасын ашып, өлеңдерін дауыстап оқыды. Іс-шара соңында оқырмандарға сұрақтар қойылып, кітап көрмесіне библиографиялық шолу жасалды.

Кликните, чтобы открыть изображение!

Посмотрите вложенную галерею изображения онлайн в:
https://jobjk.kz/kz/neg/homepage-4.html?id=1062&start=636#sigProGalleriadb278bd7be

Comments

«Жемқорлық – ғасыр дерті» тақырыбында Төле би атындағы № 8 мектеп - гимназиясының оқырмандарымен сұрақ-жауап

Оқырмандар арасында сыбайлас жемқорлыққа қарсы мәдениетті қалыптастыру, өскелең ұрпақты жастайынан сыбайлас жемқорлық көріністеріне, төзбеушілік қатынастар құндылығына тәрбиелеу және оны бойларына сіңіру мақсатында «Жемқорлық – ғасыр дерті» тақырыбында Төле би атындағы № 8 мектеп - гимназиясының оқырмандарымен сұрақ-жауап өткізілді.

⠀

Сыбайлас жемқорлық қоғамымызды қатты алаңдатып отырған келеңсіз көріністер мен қазіргі заманғы қоғамның аса бір көкейтесті мәселелерінің бірі. Бұл қылмыс түрімен қоғам болып күресуде. Сұрақ-жауапта сыбайлас жемқорлықтың алдын алу бойынша Қазақстан Республикасының 2015-2025 жылдарға арналған стратегиясында нақты сауалнама жүргізіліп оқырмандар өз ойларымен бөлісті. Қоғам дамуының жаңа жолын таңдап, уақыттан туындаған әртүрлі кеселдерден айығуды міндет етіп қойғандығы оқырмандарға түсіндірілді.

Кликните, чтобы открыть изображение!

Посмотрите вложенную галерею изображения онлайн в:
https://jobjk.kz/kz/neg/homepage-4.html?id=1062&start=636#sigProGalleriaa3784f7ce4

Comments

«Қыран қанатты ақын» поэззия кеші

Қасым Аманжоловтың 110 жыл толуына орай ақынның өлеңдері арқылы қазақ әдебиетіндегі жалынды поэзиялық туындылардың тақырыбы мен ой тереңдігін сараптай білуге үйрету, өскелең ұрпақтың мәнерлеп оқу қабілеті мен рухани танымдарын кеңейту, ақындыққа баулу мақсатында «Қыран қанатты ақын» поэззия кеші оқырмандар назарына ұсынылды.

⠀ Кеш барысында оқырмандар ақынның өмірімен танысып, шығармашылығынан жан-жақты мәліметтер алып, танымдық көзқарастарын қалыптастырып, поэзиялық шығармаларды оқыды.

⠀ Арнайы жасақталған «От ауызды, орақ тілді, қайсар ақын» кітап көрмесіне библиографиялық шолу жасалды.