Жамбыл облыстық балалар мен жасөспірімдер кітапханасы

Наурыз мейрамы - көне дәстүр

Наурыз мейрамы - көне дәстүр сабақтастығының белгісі саналатын, ұлттық мәдениетіміздің қайта түлеген ерекше мерекесі.

Халық арасында бұл мереке ұлттық таным бойынша үйге жыл бойы молшылық пен сәттілік әкеледі деген сенім бар.

Осы мерекеге орай оқырмандармен «Нұр себеле, Ұлыстың Ұлы күні!» атты кітап көрмесі ұйымдастырылды.

Көрменің мақсаты: Бүкіл түркі халықтарының ұлық тойы – Наурыз мерекесін ұлттық салт-дәстүрімізбен, әдет-ғұрпымызбен байланыстыра насихаттап, ұрпақтардың өз ұлтына деген сүйіспеншілігін арттыру.

Мерекеге арналып жасалған кітап көрмесі Наурыз тойының табиғатын, шығу төркінін, мазмұны мен мәнін, халықтың мәдени-рухани өміріндегі орнын баяндап, қазақ халқының салт-дәстүрі, әдет-ғұрпы мен қолөнері, ұлттық тағамы туралы насихаттады.

Халқымыздың ұлттық мерекесі Наурыздың шығу тарихы, жыл басы, жыл қайыру, жыл, ай аттары тәрізді ұлттық құндылықтар туралы әдебиеттер қойылды. Көрмеге «Наурызнама», «Қазақ халқының салт-дәстүрлері», «Жігіттің үш жұрты», «Наурыз», «Қазақ халқының дәстүрлері той-мереке, сауық-сайран», «Қазақтың ұлттық тағамдары», «Ағаш бесіктен, жер бесікке дейін», Қазақтың ұлттық тағамдары», т.б табиғат та, Жер-Ана да, жан-жануар да жаңаруы туралы кітаптар оқырмандар назарына ұсынылды.

Кликните, чтобы увеличить изображение 001.jpg

Кликните, чтобы открыть изображение!

Посмотрите вложенную галерею изображения онлайн в:
https://jobjk.kz/kz/neg/homepage-4.html?id=1062&start=600#sigProGalleriad81368f26e

Comments

«Өнерлі қыз, өнегелі ана» сайыс

8 наурыз – Халықаралық әйелдер күніне орай жас ұрпақты мейірімділікке, аналардың өлшеусіз еңбегін бағалай білуіне, қазақтың салт-дәстүрін насихаттау, кітапхана қызметкерлерінің үздік шығармашылық жетістіктерін анықтау мақсатында жас кітапханашылар арасында «Өнерлі қыз, өнегелі ана» сайысы өтті.

⠀

Сайыстың әділ бағасын Жамбыл облысы әкімдігінің «Мәдениет, архивтер және құжаттама» басқармасының мәдениет және өнер бөлімінің бас маманы Құттыбаева Жадыра Нұржановна, кітапхана директоры Инкарбекова Гульфайруз Капаровна және кәсіподақ төрайымы Расулова Мира Әлметқызы қазылар алқасы берді.

⠀ Қатысушылар "Сәлем-сөздің анасы" сәлемдесу," Өнерлі өрге жүзер" өз өнерін көрсету, "Дәм-думан" кез-келген тағам әзірлеу және "Зерделінің ойы озық" дәстүрге, кітахана ісіне байланысты сұрақ-жауап бәйгесінен сүрінбей өтіп, ән салу, кестелеу, сурет салу, домбыра тарту өнерлерін көрсетті.

⠀ Сайыстың қорытындысы бойынша "Нағыз қазақ аруы – 2022" номинациясын Сапарбекова Айдана, "Инабатты ару" – Төрежанова Маржан, "Өнерлі ару" – Прімқұлова Күлімкөз, "Шебер ару" – Есентаева Рая және "Тапқыр ару" номинациясын – Бакибаева Гүлайм иеленді.

⠀ Әр қатысушы ару алғыс хатпен марапатталып, естелікке бағалы сыйлықтар алды.

Кликните, чтобы открыть изображение!

Посмотрите вложенную галерею изображения онлайн в:
https://jobjk.kz/kz/neg/homepage-4.html?id=1062&start=600#sigProGalleria760a9daec6

Comments

«Ғасырдың дара перзенті» кітап көрмесі

Кітапханаға М.Х.Дулати атындағы Тараз Өңірлік Университетінің су ресурстар кафедрасының 1 курс білімгерлерімен аға оқытушысы Қожамқұлова Гүлназ экскурсияға келіп, кітапхананың тыныс-тіршілігімен танысты. Білімгерлер назарына Д.А.Қонаевтың 110 жылдығына арналған «Ғасырдың дара перзенті» кітап көрмесі таныстырылып, ұлы тұлғаның өмірі мен еңбек жолы туралы ақпарат берілді.

Жамбыл облыстық Ардагерлер Кеңесінің мүшесі, қоғам қайраткері Есіркепов Оңласын Қарабайұлы жас ұрпаққа өз батасын беріп, болашақта білімді жастардан күтетін үмітін жасырмады.

Кликните, чтобы открыть изображение!

Посмотрите вложенную галерею изображения онлайн в:
https://jobjk.kz/kz/neg/homepage-4.html?id=1062&start=600#sigProGalleriac7e84ae626

Comments

ORDAGEN

Мемлекет басшысы Қасым-Жомарт Тоқаев: «Өскелең ұрпақтың үйлесімді дамуы мен бақытты балалық – бұл біздің жалпыұлттық міндетіміз», - екенін атап өтіп, 2022 жылды «Балалар жылы» деп жариялады.

⠀ Осы бағытта былтырғы жылы Қазақстан Республикасы Мәдениет және спорт министрлігінің бастамасымен қолға алынған «Балалар әдебиеті жылы» биыл да жалғасын тауып отыр.

⠀ Баланы оқыту, білім беру, денсаулығын қадағалау, әлеуметтік жағдайын жасаумен қатар, өскелең ұрпақтың жарқын болашағы үшін оның жан-жақты дамуы, қызығушылығын одан әрі жетілдіру өте маңызды.

⠀

Бүгін «OrdaGen» атты балаларға арналған ертегілер жобасы аясында жарық көрген танымдық оқу құралдарының тұсаукесері өтті. Бұл жоба ұлттық, рухани, танымдық құндылықтарды баланың санасына ертегі арқылы жеткізіп, жас оқырманды ізгілік пен ізеттілікке, адамгершілікке баулиды.

⠀

Бүгінге дейін аталмыш жоба аясында 1000-ға жуық заманауи ертегілер жазылып, әр ертегінің аудионұсқасы дайындалды. Ең көп оқылған, тыңдалған ертегілердің мультфильм нұсқасы түсіріліп, «OrdaGen» мобильді қосымшасы арқылы бүлдіршіндерге тегін пайдалануға берілген.

⠀

Іс-шараға: Жамбыл облысы әкімінің орынбасары – Д. Кәрібек, облыс әкімдігі білім басқармасының басшысы – Б. Жамангозов, «OrdaGen» жобасының жетекшісі – Т. Парасат, Қазақстан Жазушылар одағының мүшесі – А. Көпжасарова, сатирик-ақын, Қазақстан Жазушылар одағының мүшесі, журналист – Б. Советұлы, ақын, Қазақстан Жазушылар одағының Жамбыл облыстық филиалының меңгерушісі – Х. Есаман, ақын, республикалық «7арна» телеарнасының Жамбыл облысындағы меншікті тілшісі Д. Әлімқұлов; көпшілік және мектеп кітапханашылары қатысты.