балалар мен жасөспірімдер кітапханасы

Жамбыл облысы әкімдігінің білім басқармасы Тараз қаласының білім бөлімінің Ш.Смаханұлы атындағы №44 орта мектебі мен Д.А.Қонаев атындағы балалар мен жасөспірімдер кітапханасы бірігіп, Д.А.Қонаевтың туылғанына – 110 жыл мерейтойына арналған «Д.А.Қонаев – ғасырдың дара перзенті» дөңгелек үстел өткізді.

Іс-шараға Д.А.Қонаев атындағы Халықаралық қоғамдық қорының Жамбыл облыстық бөлімшесінің ардагерлер кеңесінің мүшесі – Ж.Миллионов және жоғарғы оқу орындарының ғылыми қызметкерлері бас қосып, кітапхана қызметкерлері – М.Расулова мен А.Баймбетова «Ғасырдың дара перзенті» тақырыбында баяндама оқып, кітап көрмесіне библиографиялық шолу жасады.

joomlamodniyportal.ru

Comments

Белгілі жазушы-драматург, мемлекеттік сыйлықтың лауреаты, «Құрмет» орденінің иегері, Дулат Исабековтың туғанына - 80 жыл толуына орай «Жазушы – Дулат Исабеков» тарихи сағат өтті.

Іс-шара барысында жас оқырмандарға жазушының өмірі мен шығармашылығы жайлы мәлімет беріліп, тұлғаның өміржолы туралы бейнеролик көрсетілді.

Тақырыпқа сай жасалған «Көпке үлгі болар тұлға» кітап көрмесі таныстырылып, оқырмандар өздеріне керекті көптеген мәліметтер алды.

joomlamodniyportal.ru

Comments

«Балалар жылы» аясында өнерлі, талантты балалардың жұлдызын жағу, ұрпақ санасына ұлтжандылық рухын сіңіріп, жас жеткіншектердің талабын оятып, өнерлерін насихаттау мақсатында «DARA BOL!» дарынды балалармен кездесу ұйымдастырылды.

Кездесуге қаламыздың ерекше дарынды инновациялар мен жаңа технологияларды игерген болашақ ғалым балалар, спорт саласының болашақ жұлдыздары, сонымен қатар, болашақ математиктер жиналды.

Жамбыл облыстық техникалық шығармашылық орталығы «Кеме құрастыру», «Робототехника» және «Әуе ұшақтарды құрастыру» үйірмелерінің макеттер көрмесін көпшілік қауымға ұсынды.

Дарынды балаларға арналған мамандандырылған «Дарын» мектеп-интернатының оқушылары Сағынбек Рамазан мен Закиров Алихан желдің күшімен қозғалатын көліктер мен медицинадағы көмекші роботты таныстырды, ал Жәнібекқызы Айгерім экологиялық маңызы бар күзгі жапырақтарды өңдеу жобасын қорғады.

Исмаил Данияр мен Марат Жан үшбұрышты және төртбұрышты кубик-рубикті жылдам құрастырудың шеберлігін көрсетті. Алты жасар Азимов Ахмад жылдам есеп шығарып ментальды арифметиканың қыр-сырымен таңқалдырса, Дүйсен Заңғар көлік түрлерін жақсы білетінін көрсетті.

Сейтқұл Еркін қағаздан қылыш түрлерін жасап, қол өнерін ұсынды. Ал Сапаралиев Алижан өзі жасаған роботтарды таныстырды.

Кездесу барысында өнерлі балалар өздерін таныстыра отырып, талантын көрсетті және қызығушылығы бойынша қойылған сұрақтарға жауап берді. Барлық қатысушыларға арнайы сыйлықтар мен дипломдар ұсынылды.

joomlamodniyportal.ru

Comments