Жамбыл облыстық балалар мен жасөспірімдер кітапханасы

«BOOK FM» жобасы

1 - маусым балаларды қорғау күніне орай кітапхананың директоры Инкарбекова Гульфайруз Қаппарқызы Жамбыл облыстық көзі көрмейтін және әлсіз көретін азаматтар кітапханасының «BOOK FM» жобасы аясында «JAMBYL» радиосына сұхбат берді.

Сұхбат барысында кітапхананың бағыттары мен негізігі мақсаты, , балаларға арналған жобалар, үйірмелер туралы әңгіме өрбіді. Сонымен қатар жас оқырмандарға арналған кітап қорындағы қызықты жаңа әдебиеттермен бөлісті.

Сөз соңында айтулы мерекемен бүлдіршіндерді құттықтай отырып, кітап оқыған адам ақыл-парасат, таным, білім, жұртпен қарым-қатынас, тіл байлығы, сыпайылығы мен мәдениеттілігі сияқты ізгі қасиеттерімен ерекше болып тұратындығын баса айтып, бүгінгі жас толқынды кітап оқуға шақырды.

Кликните, чтобы увеличить изображение 001.jpg

Кликните, чтобы открыть изображение!

Посмотрите вложенную галерею изображения онлайн в:
https://jobjk.kz/kz/neg/homepage-4.html?id=1062&start=380#sigProGalleria15168e43b1

Comments

1 маусым - Халықаралық балаларды қорғау күніне орай «Мен бақытты баламын!» мерекелік кеш

Д.А.Қонаев атындағы облыстық балалар мен жасөспірімдер кітапханасы 1 маусым - Халықаралық балаларды қорғау күніне орай «Март» сауда, ойын-сауық кешенінде «Мен бақытты баламын!» мерекелік кеш ұйымдастырды. Балалардың сүйікті жазушысы Б.Соқпақбаевтың «Менің атым Қожа» повесінің кейіпкерлері Қожа, Жанар, Сұлтан мерекелік кешті жүргізді.

Сиқыр әлемімен таң қалдырған «Сиқыршы» өз өнерін ортаға салса, облыстық орыс драма театрының ертегі кейіпкерлері балалармен көңілді ойындар ойнап, биледі. Сонымен қатар, «Айдындар» би ансамблі мен «Айжұлдыз» өнер студиясының өнерпаздары ән-биден шашу шашып кештің сәнін кіргізді.

Жасөспірімдердің қатысуымен «Әріптер сөйлейді» интеллектуалды ойыны ойнатылып, белсенді оқырмандарға сыйлықтар, ал барлық балаларға тәттілер мен балмұздақ таратылды. Мерекеге орай «Март» сауда, ойын-сауық кешенінің әкімшілігі тарапынан «Динопарк» пен «Мұз айдынына» тегін кіру сертификаттары таратылды.

Кликните, чтобы открыть изображение!

Посмотрите вложенную галерею изображения онлайн в:
https://jobjk.kz/kz/neg/homepage-4.html?id=1062&start=380#sigProGalleria7296638823

Comments

31 мамыр – Саяси қуғын-сүргін және ашаршылық құрбандарын еске алу «Өзекті өртер шындық» Сторителлинг

31 мамыр – саяси қуғын-сүргін құрбандарын еске алу күніне орай оқырмандарға халқының өткен тарихын ұмытпауға, өз туған жеріне деген сүйіспеншілігін арттыру мақсатында «Өзекті өртер шындық» тақырыбында сторителлинг өткізілді.

Іс-шара барысында тарихта аты қалған құрбандарымыз туралы толық мағлұмат беріліп, видео көрсетілді. Сонымен қатар «Алаш туы астында, күн сөнгенше сөнбейміз» кітап көрмесі ұйымдастырылды. Көрмеге саяси қуғын-сүргін құрбандарына арналған кітаптар мен газет-журналдар қойылды.

Кликните, чтобы открыть изображение!

Посмотрите вложенную галерею изображения онлайн в:
https://jobjk.kz/kz/neg/homepage-4.html?id=1062&start=380#sigProGalleria90742d2786

Comments

«Жарқын болашақтың бағдары» баспа материалына шолу

Оқырмандарды еліміздің ішкі саясатымен және ондағы өзгерістермен, сонымен қатар, 2023 жылдың 19 наурызда өткен кезектен тыс Мәжіліс депутаттарының сайлауымен таныстыру мақсатында «Жарқын болашақтың бағдары» тақырыбында баспасөз беттерінен көрме жасалды.

Іс-шара барысында қатысушыларға сайлау нәтижесі, сайлауда жеңіске жеткен партиялар мен партия мүшелері, Президент Қ.Тоқаевтың VІІІ сайланған Парламенттің бірінші сессиясында сөйлеген сөзі туралы көптеген ақпараттар берілді.