балалар мен жасөспірімдер кітапханасы

25 қазан Республика күніне орай, өскелең ұрпақтың патриоттық сезімін оятып, елге, жерге деген сүйіспеншілігін арттыру мақсатында «Жасай бер, Қазақстан!» тарихи кеш өткізілді.

Іс-шара «Ай жұлдыз» би ансамблінің «Қазақ биімен», №13 балабақша тәрбиеленушілерінің әнұранмен ашылып, патриоттық «Тәуелсіздік ел ұраны» әні шырқалды. Сонымен қатар Төле би атындағы №8 мектеп гимназиясының «Театр және балалар» жоба қатысушыларының «Тәуелсіздік - еркіндігім» көрінісімен жалғасын тауып, Күреңше Талшын «Нәр ағашы» күйін орындады.

Шара соңында «Егемен елдің еңсесі биік» кітап көрмесіне шолу жасалды.

joomlamodniyportal.ru

Comments

24 қазан Кітапханашы күніне орай, кітапханашы мамандығының имиджін көтеру және оны кәсіби аренада ынталандыру мақсатында «Парасатты мамандық иесі» мерекелік кездесу өткізілді.

Мерекелік кездесуге ардагер кітапханашылар Оңғарбаева Сабира Яхияқызы мен Қыдырбаева Күлбағила апайларымыз қонаққа келіп өздерінің жылы лебіздерін білдірді.

Іс-шара «Айжұлдыз» би ансамблінің театр көрінісімен және «Кел досым кітапханаға» әнімен ашылды. Ардагерлердің құрметіне «Смарт» өнер мектебі «Беласар» термесін орындаса, Жанабек Інжу «Қазақ елім» әнін, №13 балабақшаның тұрақты оқырмандары өлең шумақтарын арнап, Алимбекова Бота «Жақсы адамдарым» әнін шырқады. Шара соңында «Кітапхана – білімнің күншуағы» кітап көрмесіне шолу жасалды.

joomlamodniyportal.ru

Comments

Оқырмандардың Қазақстан Республикасы Мемлекеттік Туының авторы, көрнекті суретші Ш.Ниязбеков жөнінде білімдерін қалыптастырып, оның туындыларын насихаттау мақсатында суретшінің туғанына 85 жыл толуына орай «Шеберлік шыңына шыққан» әдеби сандықша өтті.

Іс-шарада мемлекеттік Тудың авторының өнегелі өмірінің ұрпаққа жеткен жетістіктерінің мол екені түсіндірілді. Оқырмандар өз ой-пікірлерімен бөлісті.

Ш.Ниязбековтің шығармашылығына арнап жасалған кітап көрмесіне библиографиялық шолу жасалды.

joomlamodniyportal.ru

Comments