балалар мен жасөспірімдер кітапханасы

«Отбасылық жедел жәрдем» әлеуметтік жобасы аясында отбасындағы ата-ана мен бала арасындағы қарым-қатынас, отбасы бақыты, қарым-қатынастарды жақсартуға мотивация қалыптастыру мақсатында кітапхананың тұрақты оқырмандарымен «Отбасы сіз үшін...» тақырыбында психологиялық тренингтер мен жаттығулар өтті.

Психолог – А.Назымбекованың тренингі барысында тәрбие процесіндегі қиындықтарды пікірлесе отырып, ойды түйіндеп, өмір жолында пайдалану әдісі талқыланды. «Сөйлемді аяқта» әдістемесі, «Жанұя бақыты» әдістері бойынша жаттығулар жасалды.

Оқырмандар «Отбасы – бақыт мекені» кітап көрмесімен танысты.

joomlamodniyportal.ru

Comments

«Бір ел – бір кітап» акция аясында көрнекті жазушы, балалар әдебиетінің классигі Бердібек Соқпақбаевтың туғанына – 100 жыл толуына орай оқырмандарды жазушының туындыларымен таныстыру, кітап оқуға деген қызығушылығын арттыру мақсатында №49 мектеп оқырмандарымен «Жыл кітабын бірге оқиық» флешбук өткізілді.

Іс-шара барысында оқырмандарға Б.Соқпақбаевтың өмірі мен шығармашылығы, қазақ балалар әдебиетіне қосқан зор үлесі туралы ақпарат берілді.

Қатысушылар 3D форматындағы суреттерге QR қосымшасын қосу арқылы «Менің атым Қожа», «Жекпе жек» туындыларымен танысты.

Бердібек Соқпақбаевтың өзі жазған қанатты сөздері мен ол туралы жазылған дәйексөздер оқылып, шығармалары кеңінен насихатталды.

Comments

Аудандық балалар кітапханаларына әдістемелік көмек көрсету, жаңа форматтағы жұмыс түрлері арқылы уақытты тиімді пайдалануды жүзеге асыру мақсатында «Zооm» платформасы арқылы «Балалар кітапханасы – көпфункционалды оқу орталығы» іс-тәжірибелік семинар өтті.

Семинар кітапхана директоры Г.Инкарбекованың «Кітапхананың инновациялық даму стратегиясы» атты алғы сөзімен басталды.

Іс-тәжірибе барысында әдістемелік бөлімнің меңгерушісі – Т.Кузенова «Кітапханадағы әлеуметтік инновациялар» атты баяндама жасап, аудандық кітапхана қызметкерлерін кітапханалық жобалармен таныстырды.

Кітап қорын сақтау бөлімінің меңгерушісі – М. Мелдеева «Зияткерлік белсенділіктен интеллектуалдылыққа дейін» тақырыбында онлайн сабақ өтті. Сабақ барысында кітапхана жұмысын жеңілдетуге және бейнероликтерді сапалы жасауға септігін тигізетін тиімді бағдарламалар (QR қосымшасы, Movavi, Canva) туралы айтты.

Жамбыл облысының 85 жылдығына орай жасалған «Тарихы терең, тағылымы мол өлке» электронды көрсеткішін ақпараттық-библиографиялық секторының меңгерушісі – Г.Мамырова таныстырды.

Құлан ауылдық балалар кітапханасының меңгерушісі – М.Токиева, Б.Момышұлы ауылдық балалар кітапхана қызметкері – Г.Егеубаева, Байзақ аудандық балалар кітапханасының меңгерушісі – Г.Чуметова «Кітапхана қызметіндегі жаңа форматтар» тақырыбында кітапханалардың жаңа бағыттағы атқарып жатқан жұмыстарымен таныстырды.

joomlamodniyportal.ru

Comments