балалар мен жасөспірімдер кітапханасы

Ақын, жазушы драматург Сәкен (Сәдуақас) Сейфуллинның дүниеге келгеніне 130 жыл толуына орай №32 орта мектептің оқырмандарымен «Сәкен- жырдың сарқылмас дариясы» библиографиялық этюд өткізілді.

Іс-шара барысында еліміздің тәуелсіздігі мен егемендігі үшін күрескен, Алаштың ардақтысы Сәкен Сейфуллиннің өмірі мен шығармаларын оқып білуге баулу мақсатында ақынның өз заманындағы саяси-қоғамдық көзқарасы таныстырылып, ақын туралы тың деректер айтылды.

Сондай-ақ, ақынның қаламынан «Кел, жігіттер», «Қамаудан», «Асығып тез аттандық», «Жас қазақ марсельезасы», «Қызыл ат» т.б. әсерлі өлеңдері мен «Бақыт жолында» драмасы, «Тар жол, тайғақ кешу» романы, «Ауыл байғұс, мінеки», «Келіншек ойы», «Ақсақ киік», «Сыр сандық» т.б. тамаша жырлары мен «Аққудың айырылуы» атты символикалық көркем поэмасы туралы толық ақпарат берілді.

Comments

Қазақ әдебиетінің классигі, көрнекті жазушы Бердібек Соқпақбаевтың өмірі мен шығармашылығын насихаттау, кітап оқуға деген қызығушылығын арттыру мақсатында «Бір ел-бір кітап» акциясы аясында Бердібек Соқпақбаевтың туғанына 100 жыл толуына орай №49 мектеп-гимназиясының кітапхана оқырмандарының қатысуымен «Балалар әлемінің елшісі» әдеби перфоманс өткізілді.

Іс-шара барысында оқырмандарға Б.Соқпақбаевтың өмірі мен шығармаларына және повестеріне жеке-жеке тоқталып, түсінік берілді. Кітапхананың тұрақты оқырмандары «Саржайлау» «Туған жер» әнін шырқап, «Менің атым Қожа» киносынан үзіндіні жас оқырмандар сахналап шықты.

Шығарма желісі бойынша сұрақ-жауап ойыны ойнатылды, кітап көрмесі жасалды.

joomlamodniyportal.ru

Comments

Өңір тұрғындарының кітапқа қызығушылығын,рухани мәдениетін арттыру мақсатында 2024 жылдың басында «Оқы! Таны! Біл!» әлеуметтік жобасы қолға алынған болатын.

>Жобаның алғашқы бағыты «Қол жетімді кітапхана» (Freemarket, оқылған кітаптарды қалдыру және алу) үйшік Т.Рысқұлов атындағы орталық саябақта орнатылса, «Зеріктің бе? Кітап оқы да, трендте бол!» (қоғамдық көліктерге арналған жылжымалы электронды кітапхана).

Жобаның екінші бағыты бойынша жоспарлы түрде ЖШС «Автопарк-2020» мекемесінің қолдауымен ақын-жазушылардың, қоғам қайраткерлерінің және елімізге еңбегі сіңген тұлғалардың шығармашылығын, еңбегін насихаттайтын QR кодталған кітапхана орнатылды.

Кітап оқу үшін жолаушылардың смартфондары ғаламтор желісіне қосулы болса болғаны.QR код бойынша кітап оқу опциясы қоғамдық көліктердің бірнеше (№38,28,46,60) бағытары бойынша жолаушыларды тасымалдайтын автобус салондарында қолжетімді. Көп жағдайда адамдар кітапханаға келуге уақыттары болмағандықтан осы жоба әзірленді. Бұл әсіресе мектеп оқушыларына, жастарға тиімді. Уақыттарын үнемдей алады.

Comments