балалар мен жасөспірімдер кітапханасы

«Бұл халық игілігі» қайырымдылық акциясы аясындағы «Балаларға базарлық!» кітап сыйлау шарасы

⠀

Халықтың рухани байлығын дамытып, кітапхананың кітап қорын әдебиеттермен толықтыру, жалпыұлттық құндылықты әрбір жастың бойына сіңіру, оқырман мен кітапхана байланысын одан әрі нығайту мақсатында Тәуелсіздіктің 30 жылдығы және «2021 жыл – Балалар мен жасөспірімдердің кітап оқуын қолдау жылына» орай «Бұл халық игілігі!» қайырымдылық акциясын ілгерілету мақсатында кітапханада «Балаларға базарлық!» кітап сыйлау шарасы ұйымдастырылды.

Іс-шараға аудандық балалар кітапханалары Zoom платформа арқылы онлайн түрде қатысты.

Кітап мәртебесін көтеру мен жастарға кітап оқуды насихаттау үшін ұйымдастырылған шараға екі жүзге жуық кітап сыйға тартылды. Жамбыл облысы Ардагерлер кеңесінің төрағасы Солтыбаев Еркімбек Бейсембекұлы бастаған бір топ құрметті қоғам қайраткерлері – Есіркепов Оңласын Қарабайұлы, Әділова Раушан, Төлебаев Арқабек Жамбыл облысы Ардагерлер кеңесінің қолдауымен басылған «Ардагерлері ақылман Әулиеата», «Қазақтың Шерағасы» 5 томдық жинақ, Қазақстан Республикасының Ардагерлер кеңесінің 20 жылдығына орай шыққан «Плечом к плечу в одном строю» кітаптарын тарту етті.

⠀

Сондай-ақ экономика ғылымдарының кандидаты, қоғам қайраткері, Жамбыл облысының Құрметті азаматы Аманкелді Кәрентаев өзінің «Шаруағұмыр», Елбасымен жеті рет жүздескен белгілі кәсіпкер Сауле Рысбаеваның Ұлы Отан соғысының 70 жылдығына орай шығарған «Мың тағзым» атты кітаптары кітапхана қорына сыйлады.

⠀

Шараға қатысушы зиялы қауым өкілдері ұрпаққа қалдырар ең үлкен мұра – кітап екендігін, өткеннің рухы, келешектің кілті, мәдениеттің биік шыңы да осы кітапта жатқандығын айтып, жастарды кітап оқуға, сол арқылы білімдерін жетілдіруге шақырды. Акцияға қатысушыларға «Балаларға базарлық!» көрмесі таныстырылып, кітапхананың тұрақты оқырмандары қонақтарға өлең мен әннен шашу шашты.

⠀

Қолдау көрсеткендеріңізге рахмет!

joomlamodniyportal.ru

Comments

Жазғы демалыс кезінде балалардың жұмыспен қамту және даму картасы аясында «Біз салауатты өмір салты үшін!» ұранымен № 13 бөбекжай – бақшасы оқырмандарының қатысуымен «Спорт – сенің серігің!» эстафеталық ойын ұйымдастырылған болатын.

Ойын барысында оқырмандар 2 топқа бөлініп, топ мүшелері ойын шартымен танысып, «Кім жылдам», «Шегірткелер» т.б. ойындар арқылы шапшаңдықтарын көрсете білді. Сондай – ақ қазақтың ұлттық «Асық ату» ойыны дәріптелді. Сонымен қатар спорт туралы мақал-мәтелдер айтып, жақсы көңіл-күймен тарқасты.

joomlamodniyportal.ru

Comments

6 шілде - Елорда күніне орай Қазақстан Республикасының Тұңғыш Президенті саябағында «Нұр-Сұлтан – ел тірегі, ел намысы» кітап көрмесі ұсынылды.

⠀

Көрменің мақсаты: оқырмандарға еліміздің бас қаласы – Нұр-Султан туралы мәлімет беру.

⠀ Елорда туралы деректермен білімін, оқырмандардың ой - өрісін, шығармашылық қабілеттерін, тіл байлықтарын дамыту. Қазақстан Республикасының орталығы Нұр-Султан қаласын мақтан тұта білуге тәрбиелеу және Отанға деген сүйіспеншілігін арттыру, елжанды азамат болуға тәрбиелеу.

⠀ Өң бойына халықтың күші мен қайратын жинап, тәуелсіз Қазақстанның мақтанышына айналған «Еңселі Елорда, асқақтаған Нұр-Султан». Жаңа қала Ару Нұр-Султанның көрікті, көздің жауын алар, жаңа үлгідегі биік-биік ғимараттары қалаға ерекше сән береді. Жер бетіндегі Еуразия құрлығының кіндігінде орналасқан Нұр-Султан – Еуразия мен Азияны жалғастырушы алтын көпір, қақпаның кілті болса, күллі қазақ халқының – жүрегі.

⠀

Бүгін біз осындай қасиетті сөздерді құрметпен, аса мақтанышпен айта аламыз. Көрмеге еліміздің бас қаласының тарихы, қазіргі келбеті, жетістіктері, даму бағыттары, ескертікіштері мен сәулет ғимараттары туралы мәлімет беретін мерзімді басылымдар мен суреттер таныстырылып шолу жасалды. Сонымен қатар, «Ел жүрегі – Астана», «Астана – жерұйығы елімнің», «Астана: Фотоальбом», «Менің елім Қазақстан», «Менің Отаным – Тәуелсіз қазақстан», «Жан жүрегім - Астана», «Астана. Летопись 20-летия» әдебиеттер қойылып, көрермендер назарына ұсынылды.

joomlamodniyportal.ru

Comments