1 наурыз - Алғыс айту күніне орай оқырмандардың үлкен-кішіге деген сүйіспеншілігін, сыпайылық қарым-қатынасын дамыту, әдептілікке, кішіпейілділікке, ізеттілікке тәрбиелеу мақсатында «Ризашылық – мейірімділік бұлағы» информина өткізілді.
⠀ Іс-шара барысында кітапхананың тұрақты оқырмандары өздерінің жүректен шыққан тілектерімен бөлісіп, «Рахмет» деген сөзді жиі қолданып, мейірбандық танытып, достықтары нығайып, ризашылдық пен алғыстарын білдірді.
⠀Сонымен қатар «Кімге алғыс айтар едіңіз?» викториналық сұрақтарға жауап беріп, өз тілектерімен, ой-пікірлерін осы шараға арнайы жасалған тақтаға жазып жапсыру арқылы білдірді.
⠀«Жылы сөз, қайырымды іс, жақсы ой, кіршіксіз сезімдеріңізді ешкімнен ешқашан аямай, «Рахмет» деген қасиетті сөзді жиі айтайық. Адам алғыс пен ризашылықты естіген сайын, жақсылық жасағысы келіп тұратынын естерімізде сақтайық.
⠀Өмірдің әрбір сәтін бағалай білуге үйренейік және Табиғат-Анаға мейірімді күні үшін, көңілді жаңбыры мен ақ қары үшін, жұмсақ ұлпа бұлты үшін, жақын адамдарға қайырымдылығы мен риясыз махаббаты үшін алғыс айтуды ұмытпайық», деген жылы лебіздерін білдірді викторина қатысушылары.
https://jobjk.kz/kz/?start=416#sigProGalleriaae844d8dd3
Қазақ музыкасын дәріптеу, әншінің өмірбаянымен, шығармашылығымен таныстыру, оқырмандардың қызығушылықтарын арттыру, өнер адамын құрметтеуге тәрбиелеу. Роза апамыздың соғыс кезіндегі ерлермен бірге қиындықты көрсе де, әнімен көңілдерін жұбатқан. Қазақтың бұлбұл әншісін ұрпақтан-ұрпаққа паш ету мақсатында Р.Бағланованың 100 жыл толу мерейтойына орай «Қазақ өнерінің саңлағы» ақпарат сағаты өтті.
Іс-шара барысында әншінің өмірі мен шығармашылығынан мағлұмат бере отырып, Төле би атындағы №8 мектеп-гимназия оқырмандары қазақтың ән өнерін дамытуға айрықша ауқымды үлес қосқан, аты аңызға айналған әнші Р.Бағланованың құнды мұрасын тарих беттерінен жоғалтпай, көзіміздің қарашығындай сақтау, баршамыздың міндетіміз деп ойларын ортаға салды.
Кітапханашы оқырмандарға сұрақтар қойып, кітап көрмесіне библиографиялық шолу жасады.
https://jobjk.kz/kz/?start=416#sigProGalleriac26cbaeabd
Қазақ музыкасын дәріптеу, жастарға халқымыздың мақтанышына айналған халық әншілерін насихаттау, олардың өнердегі жолын үлгі ету, көрнекті әншінің өмірлік және шығармашылық жолын еске түсіру, патриоттық сезімді оятып, Отанға, өнерге, музыкаға деген сүйіспеншілікті тәрбиелеу мақсатында Қазақстан Республикасының Халық қаһарманы, қазақ ән эстрадасының ең биік шыңына көтерілген күміскөмей әнші Роза Бағланованың туғанына 100 жыл толуына орай «Ақмаңдайлымды әуелеткен Роза» мерекелік кеші өткізілді.
Іс-шара барысында әншінің өмірінен тың деректер, сахна төріндегі жарқыраған жұлдызды сәттері жайында қызықты естеліктер айтылды.
Мерекелік кеш Төле би атынадғы №8 мектеп-гимназиясының «Шаттық би» тобының вальсімен ашылып, аты аңызға айналған әншінің Алтынқордан алынған «Әдемі ау», «Үкілі қыз», «Ауылым» әндері К.Әзірбаев атындағы облыстық филармониясының әншісі Гүлшат Тинасилованың және Әли Нұржан, Қапалбаев Ерсаин оқырмандарының орындауында шырқалды.
Іс-шара соңында әншінің өмірі мен шығармашылығына арналған «Қазақ халқының бұлбылы» кітап көрмесіне библиографиялық шолу жасалды.
https://jobjk.kz/kz/?start=416#sigProGalleria6670671864
Кітапхананың «Кәсіби өсу» қызметкерлердің үздіксіз білімін жетілдіру жүйесінің 2022 жылға арналған оқу жобасы аясында «Кітапханалық жоба – заман талабы» flash семинар ұйымдастырылды.
Flash семинар Zoom платформада Жамбыл облысы көлемінде аудандық, қалалық, ауылдық балалар кітапханалары қызметкерлерінің қатысуымен өткізілді.
Flash семинардың мақсаты: ақпараттық технологиялардың даму жағдайларында еліміздің мәдени-тарихи мұрасын сақтап қалудағы кітапханалардың рөлін арттыру, Жамбыл облысы аудандық балалар кітапханаларында кітапханалық жобаларды ұйымдастыру жұмыстары жөнінде әдістемелік кеңестер беру және тәжірибе алмасу; Балалар кітапханасының жұмысына инновациялық тәсілдерді қолдана отырып, әлеуметтік жобалар шеңберінде іс-шараларды іске асыру үшін ең жақсы жаһандық және жергілікті тәжірибені қолдану.
Кітапханашыларға «2021 жылы - Балалар мен жасөспірімдердің кітап оқуын қолдау жылы» аясында кітапхананың тәжірибесінде қолданылған басты «Оқитын ел – озық ел», «100 кітап» жобалары мен «Кітаппен әлем мейірімді және жарқын», «Біз бәріміз біргеміз» бағдарламалары таныстырылды.
«Оқитын ел – озық ел» жобаның «Рухани жағыру» Әлеуметтік жобалар акселераторының қысқамерзімді оқу бағдарламасын сәтті аяқтап, жинаққа еңгені айтылды.
Сондай-ақ, «2022 жыл – Балалар жылы» аясында жоспарланған және іске асырылған жұмыстар жайлы ақпараттар беріліп, аудандық балалар кітапханаларының қызметкерлері өздерінің жұмыс тәжірибесімен бөлісті.
https://jobjk.kz/kz/?start=416#sigProGalleria616e942bbd