балалар мен жасөспірімдер кітапханасы

«Кітап мұхитындағы аралдар» жобасы аясында жазғы демалыс кезінде балалар мен жасөспірімдердің бос уақыттарын тиімді ұйымдастыру, әрбір баланың кітапқа деген қызығушылығын арттыру мақсатында «Тау самалы» жазғы балалар лагерінде «Жазғы кітап әлемі» жылжымалы кітап көрмесі ұйымдастырылды.

Іс-шара барысында қорымыздағы кітаптар Ділдар Мамырбаева «Роботтар отбасы», Сәуле Досжан «Ауылдан шыққан миллионер», Баянғали Әлімжанов «Ғарыш пен қазақ»және т.б. шығармалардың кейіпкерлері таныстырылды. Жастарына сай ертегілер туралы сұрақтар қойылып, жұмбақтар жасырылды. Кинофильм, анимациялық шығармалардың Қазыбек Мадияр «Ахмет Байтұрсынұлы кім?», «Тазша бала», «Джунгли кітабы», «Алдар көсе», Мұқтар Әуезов «Көксерек», «Жеті лақ» ертегі кітаптарының кейіпкерлерін бір-бірілеріне жасырып білімдерін шыңдады.

Сондай-ақ, балалар мақал-мәтелдер мен викториналық сұрақтарға жауап беріп командалық ойындарға белсенді қатысты.

Оқырмандардың назарына «Кел, балалар, оқылық!» кітап көрмесі ұсынылып, панорамалық, дыбысты, 3D, «Көңілді көжек», «Ұсқынсыз үйрек балапан», 4D, «Абай Құанбайұлы өлеңдері, «Әли Абай «Бурабай» және т.б. алуан түрлі көркем әдебиетпен ертегі кітаптарына шолу жасалды.

joomlamodniyportal.ru

Comments

Отбасылық кітап оқу мәртебесін қолдау, оқу мәдениетін арттыру, оқырмандарды оқуға және кітапханаларға тарту, кітапқа деген қызығушылықтарын қалыптастыру, оқырмандарды кітапханаға үзбей келуін әдетке айналдыру.

«Отбасылық жедел жәрдем» әлеуметтік жобасы аясында Жамбыл облыстық көпбейінді балалар ауруханасының 4-15 жас аралығындағы ем алушыларына арналған «Емханадағы рухани терапия» жылжымалы кітап көрмесі ұйымдастырылды.

Оқырмандарға кітап туралы сауалнама жүргізіліп, «Бард Бидлдің ертегілері», «Айдаһар әміршілері», «Таңғажайып хайуандар мен олар мекендейтін аймақтар», «Сыңармүйізді ханшайымдар», «Нарния шежіресі», және т.б кітап көрмесі ұсынылды.

Аталған кітаптарға библиографиялық шолу жасалып, оқырмандардың қолына оқуға қалдырылды. Ем алушылардың ата-аналары балаларының бос уақыты тиімді әрі сапалы өтілетініне ризашылықтарын білдірді.

joomlamodniyportal.ru

Comments

10 тамыз – ұлт руханиятының темірқазығы – Абай Құнанбайұлының туған күніне орай Қазақстан Республикасы Ұлттық ұланы «Оңтүстік» өңірлік қолбасшылығына қарасты 5513 әскери бөлімінің жеке құрамы сарбаздарының қатысуымен «Абай – дана, Абай – дара қазақта!» мәнерлеп оқу шеруі өтті.

Іс-шара барысында ақын өлеңдерін әскери бөлімнің сарбаздары нақышына келтіріп мәнерлеп оқыды. Абайдың өмір жолы туралы бейнеролик көрсетілді. Кітап көрмесіне библиографиялық шолу жасалынды.

Іс шара ақынның «Желсіз түнде жарық ай» әнімен қорытындыланды.

Comments