балалар мен жасөспірімдер кітапханасы

Д.А.Қонаев атындағы облыстық балалар мен жасөспірімдер кітапханасының ұйымдастыруымен жас оқырмандарды республика көлемі мен өңірімізде өзінің өнегелі өмірімен, қызметімен, өнерімен танымал тұлғаларды таныстыруды көздейтін «Үлкенге 100 сұрақ» жобасы аясында К.Әзірбаев атындағы Жамбыл облыстық филармониясының цирк жетекшісі, мәдениет саласының үздігі – Альчикенов Талғат Жорабекұлымен кездесу өтті.

Кездесу барысында кітапхананың тұрақты оқырманы – Айбек Нұрай Талғат Жорабекұлынан өзі қатарлы балалардың ойларында жүрген, өскенде дұрыс бағыт-бағдар алатын, дұрыс жолды нұсқайтын сұрақтар қою арқылы бала өміріне қажетті кеңестер алды.

Логикалық сұрақтарға жауап беру және жаңылтпаштар айту арқылы балалық шағына саяхат жасаған Талғат Жорабекұлы тосыннан қойылған сауалдарға мүдірместен жауап берді.

Кездесуде цирк жетекшісі кітапхана оқырмандары мен балаларға өзінің жылы лебізін білдіріп, қонақ кәде ретінде өз өнерін көрсетті.

"Театр және кітап" жобасы аясында "Шалқан" ертегісінің кейіпкерлері оқырмандарға аптаның үшінші күні қызмет көрсетуде.

Театр және кітап жобасы аясында "Қошқар мен Теке" мультсериалының кейіпкерлері аптаның соңғы бесінші күні оқырмандарға қызмет көрсетуде.