балалар мен жасөспірімдер кітапханасы

Балалар әдебиетінің классигі - К.Чуковскийдің «Дәрігер Айболит» атты ертегісінің қойлымын балаларға көрсетіп, балаларды адалдыққа, мейірімділікке, кіші пейілділікке, адамгершілікке, адал достыққа  тәрбиелеу. Кітап балалардың дүниетанымын кеңейтіп, рухани жан дүниесін оятатын рухани құрал екенін түсіндіру. Балаларды кітапты қастерлеп, ертегіні сүйіп оқып өсуге тәрбиелеу, және өз ой-өрістерін дамытуды түсіндіру. 2014 жылы Корней Чуковскийдің «Дәрігер Айболит» атты ертегісіне 85 жыл толуына орай, кітапханада кішігірім ғана драма  қойылымы қойылды. Ертегіде мейірімді дәрігер Айболит аңдардың бәріне қол үшін беріп, емдеп жазады. Оған ормандағы барлық аңдар, құстар, түлкі, доңыз, аю, қасқыр, қоян  және т.б. аңдар келіп емделеді.

Білімнің кітап арқылы берілетінің ұғындыру, кітаптың адам өміріндегі маңызы бар, ғылым мен білімнің пайдасы жайлы түсіндіру, жас оқырманның кітапқа деген қызығушылығын арттыру, қоғамдағы кітаптың рөлін көтеру мақсатында мерзімді басылымдар секторында Төле би атындағы  №8 гимназиясының 6 «б» - сынып оқушылары мен ұстаздарымен бірлесе отырып «Кітапхана – қымбат қазына» тақырыбында кітапханаға саяхат ұйымдастырылды.

2014 жылдың 17-19 сәуір аралығында әдістемелік және ақпараттық-библиография бөлімінің ұйымдастыруымен  кітапхана қорына жаңадан келіп түскен әдебиеттерді насихаттау, оқырмандардың кітапқа деген қызығушылығы мен оқуға деген сұранысын арттыру мақсатында «Жаңа кітаптар» атты ақпарат күндері өткізіліп, кітап көрмесі жасалды.