балалар мен жасөспірімдер кітапханасы

23.05.2013жылы Жамбыл облыстық балалар мен жасөспірімдер кітапхансында жастарды Қазақстандық отансүйгіштікке, қажырлы еңбекке тәрбиелеу, шығармашылық пен кәсіпкерлікке баулу, «Рысбаева және Ко» ЖШС-нің директоры Сәуле Рысбаеваның үлгілі кәсіпкерлік жолы мен әдебиетке, шығармашылыққа қосқан үлесін насихаттау және балалар ақыны Н.Корончуктің шығармашылығы мен әдебиеттерін танымалдандыру мақсатында кітапханамызда ТАРМУ мен «Аспапа» коледжінің білімгерлері және №13 мектеп оқушыларының қатысуымен С.Рысбаеваның «Елбасымен жеті рет жүздесу» кітабына тұсаукесер рәсімі өтті.

Облысымыздағы «Рысбаева және Ко» ЖШС-нің директоры Сәуле Рысбаева. Өз кәсібін тәуелсіздік алған жылы бастаған ол бүгінде өңірге танымал кәсіпкер. Кешке қонақ ретінде кітап авторы мен балалар ақыны Н.Корончук қатысты. Өз ісінде жетістікке жеткен бизнес ханшайымы Рысбаева Сәуле ханым өзінің қоғамдық өмірі мен еңбек жолы туралы толықтай таныстырып, бастан кешкен қиын-қыстау кезеңдерін айтып, жастарды Отынмызды сүюге, қажырлы да қарапайым болуға шақырып, жаңа істерге жігерлендірді. Оқырмандар «Рысбаева және Ко» ЖШС туралы түсірген бейне фильмді тамашалады. Кәсіпорын демеушілік көрсеткен кеш қонағы ақын Надежда Корончукке сөз кезегі берілді. Н.Корончук оқырмандарға өз қолымен жасаған кітап мұқабаларын өнерлі шебер қолдарымен көркемдеген тамаша кітаптарымен оқырмандарды таң қалдырды. Сондай-ақ көзі нашар көретін және мүлдем көрмейтін балаларға арналған кітабымен таныстырып өлеңдерін оқып, оқырмандарды шаттыққа бөледі. Сонымен қатар оқырмандар кеш қонақтарына сұрақ-жауап қойып бір-бірімен етене араласты. «Елбасымен жеті рет жүздесу» атты кітап көрмесіне библиографиялық шолу жасалынды.