балалар мен жасөспірімдер кітапханасы

Мемлекет басшысы Н.Ә. Назарбаев  «Болашаққа бағдар: рухани жаңғыру» атты мақаласында 2025 жылдан бастап толық латын әліпбиіне көшетінімізді қадап айтты. Бұл бастама  қазақстандықтарды ұлттық бірегейлікті нығайтуға шақыратынын, 30 дамыған елдің қатарына енуге, сондай-ақ, бағдарламалық құжатта рухани байлықты сақтауға септігін тигізетінін түсіндіріп, осы мәселені жан-жақты талқылау мақсатында

 

 «Латын әліпбиі; жаңғыру жазудан басталады» тақырыбында тіл мамандары мен жоғарғы курс білімгерлерінің қатысуымен дөңгелек үстел өтті.

Аталған іс-шараға Тараз иннновациялық-гуманитарлық университетінің филология ғылымдарының докторы, профессор Малғаждаров  Қасиет Кәкенұлы мен Жамбыл облысы әкімдігі Тілдерді оқыту орталығының маманы Абдрахманова Алтын Жексенбайқызы  «Латын әліпбиін тез үйренудің жолдары» деген  тақырып бойынша дайындаған баяндамаларын оқып,  латын әліпбиіне көшудің тиімділігі жайлы өз ойларын ашып айтты. Білімгерлер де қалыс қалмай келген қонақтарға өз көкейлерінде жүрген сұрақтарын қойды.  Сондай-ақ,  кітапхана тарапынан жүргізілген сауалнамаға  жауап беріп, белсене атсалысты.

Іс-шара соңында сауалнама қорытындысы жария етілді. Қорытынды нәтижесі қатысушылардың  98%  латын әліпбине көшуді қолдайтындарын айтыпты.

joomlamodniyportal.ru