Жамбыл облыстық балалар мен жасөспірімдер кітапханасы

«21 наурыз - Дүниежүзілік поэзия» күні «Бір өлең» әдеби алтыбақан

Оқырмандарға поэзия құдіреті арқылы қазақ деген ұлыхалықтың болмысы мен бітімінің ұлылығын дәріптеу, оқырмандарды көркем әдебиеттерді, кітап оқуға тарту, балалар мен жасөспірімдер арасында кітап оқудың мәртебесін көтеру мақсатында «21 наурыз - Дүниежүзілік поэзия» күніне орай «Бір өлең» әдеби алтыбақан жас ақындар сайысы ұйымдастырылды.

Іс-шара барысында жас ақындарымыз бес кезең бойынша сайысты.

1. кезең: Өзін-өзі таныстыру;
2. кезең: Өздерінің шығарған өлеңдерін оқу;
3. кезең: Жасырылған бір сөзге өлең шумақтарын шығару;
4. кезең: Салт-дәстүр бойынша сұрақ-жауап;
5. кезең: Өз өнері;

Іс-шара нәтижесінде қазылар алқасы Д.А.Қонаев атындағы Жамбыл облыстық балалар мен жасөспірімдер кітапханасының директоры Инкарбекова Гульфайруз Капарқызы және бірқатар өңірлік және республикалық жыр бәйгелерінің жеңімпаз, жүлдегерлері Әбдір Шапағат және Елбек Нұрмұхаммед жас ақындардың өнерлерін бағалап тиісті орындарын беріп, жылы лебіздерін білдірді.

Кликните, чтобы увеличить изображение 001.jpg

Кликните, чтобы открыть изображение!

Посмотрите вложенную галерею изображения онлайн в:
http://jobjk.kz/index.php/kz/#sigProGalleriaae667ed936

«Бір өлең» әдеби алтыбақан

Д.А.Қонаев - ұлы тұлға

«Табиғатты аяла»

Оқырмандардың қоршаған ортаға деген махаббат құндылықтары жайлы түсініктерін кеңейту.

⠀

Шығармашылық қабілеттерін, жақсылық жасай білу іскерліктерін, ойлау қабілетін дамыту, өз ойын еркін жеткізе білуге дағдыландыру.

⠀

Табиғатты қорғауға, елін, жерін сүюге, мейірімділікке, ізгілікке тәрбиелеу, экологиялық тәрбие беру мақсатында «Атамекен» клубының мүшелерімен «Табиғатты аяла» тақырыбында танымдық сағат өтті.

⠀

Кітапханашы оқырмандарға үлкен — кіші әрдайым табиғатты таза ұстап, құрмет тұту қажет екендігін айтып,оқырмандарға түсінік берді.

⠀

Оның бізге қаншалықты қажет екені баршамызға аян, сондықтан аялап ұстауға бағыттауға шақырды. Оқырмандарды табиғатта дұрыс жүріп тұруы, әр талын, әр жапырағын, әр бұтасын бағалай білу үшін өткізілген іс шара болатын. Біз табиғаттағы әрбір жайқалып тұрған гүлге, мәуелеп тұрған ағашқа қамқорлық танытуымыз қажет екендігін ұғындырды.

⠀

«Бір тал кессең, он тал ек» демекші, айналамызда табиғаттан лас иісті, ауру тудырушы бактерияларды жоюшы тал, жасыл желек керек. Табиғаттың қорғаны жас ұрпақ. Табиғат адамның бойына қуат, өзіне шабыт беруші. Табиғат біз киетін киімді, оқитын кітапты, тамақтанатын тағамды, ас дақылдарын бәрін де табиғаттан алатынымыз жайлы түсіндірілді.

⠀

Оқырмандар өздерін іс-шара барысында белсенді ұстап табиғатқа деген жанашырлық сезімдерін көрсетіп, өздері білетін өлеңдерін, мақал-мәтелдерін айтып, туған жеріміздің экологиясын қалпына келтіруіміз үшін өсімдіктердің санын көбейтуге өз үлестерін қосу керектігін сезініп түсінді.

Кликните, чтобы открыть изображение!

Посмотрите вложенную галерею изображения онлайн в:
http://jobjk.kz/index.php/kz/#sigProGalleriaae0141f372

«Қош келдің, әз Наурыз!»

22 Наурыз — Ұлыстың ұлы күні «Қош келдің, әз Наурыз!» Бауырсақ Party

⠀

Ұлыстың ұлы күні — Наурыз мерекесін тойлау, ұлтымыздың салт-дәстүрлерін көрсету, насихаттау мақсатында кітапханада оқырмандармен бірге «Қош келдің, әз Наурыз!» бауырсақ Party ұйымдастырылды.

Ұлттық киімдегі кітапхана қызметкерлері қазақ халқының ұлттық тағамы бауырсақ пісіруде белсенділік танытты. Аналар қазанға май қыздырып, қамыр жаюдан шеберліктерін көрсетсе, әкелер қазан-ошақ жайын қамдады. Жаңару мерекесі аясында ұйымдастырылған «Бауырсақ party» шарасында 20 келідей бауырсақ пісіріліп, ыстықтай үйлестірілді.

Іс-шараға қатысқан оқырмандар «ас атасынан» дәм татып, кітапхана ұжымының мерекелік тартуына ризашылығын білдірді.