Жамбыл облыстық балалар мен жасөспірімдер кітапханасы

Д.А.Қонаев атындағы Жамбыл облыстық балалар мен жасөспірімдер кітапханасының ұйымдастыруымен «Кітапхана – тарихқа бастар жол» жобасы аясында Қарасай петроглифтеріне танымдық экспедиция өтті.

Жобаның мақсаты – жас ұрпақтың туған өлкенің тарихи-мәдени мұрасына қызығушылығын арттыру, оны зерттеу мен құрметтеуге баулу.

Іс-шара барысында қатысушыларға бағыт-бағдар мен қауіпсіздік ережелері түсіндіріліп, Қарасай шатқалындағы ежелгі жартас суреттерінің тарихы таныстырылды. Сондай-ақ Тарихи-мәдени ескерткіштерді қорғау және қалпына келтіру дирекциясының маманы Қарасай петроглифтерінің тарихи маңызы, зерттелуі және оларды сақтау мәселелері туралы кеңінен ақпарат берді. Оқырмандар петроглифтер арқылы көне дәуірдегі адамдардың тұрмыс-тіршілігі мен дүниетанымы жайлы мағлұмат алды.

Экспедиция барысында қатысушыларға арналған танымдық ойындар мен логикалық тапсырмалар ұйымдастырылып, олардың тарихи білімін толықтыруға және ойлау қабілеттерін дамытуға мүмкіндік берілді.

Іс-шара соңында Қарасай өңірінің тарихына арналған кітап көрмесіне шолу жасалып, қатысушылар өз әсерлерімен бөлісті.

Кликните, чтобы увеличить изображение 01.jpg

Кликните, чтобы открыть изображение!

Посмотрите вложенную галерею изображения онлайн в:
http://jobjk.kz/kz/?start=20#sigProGalleria2000b4a98b

Comments

«Балабақшадан кітапханаға» «Менің сүйікті кейіпкерім» әдеби кинозал

«Балабақшадан кітапханаға» жобасы аясында кітапханада «Менің сүйікті кейіпкерім» атты әдеби кинозал ұйымдастырылды.

Іс-шараға №13 бөбекжай-балабақшасының тәрбиеленушілері қатысып, балалар әдебиетіндегі танымал кейіпкерлермен жақынырақ танысты.

Кинозал барысында бүлдіршіндер қазақ ауыз әдебиетінің тапқыр әрі ақылды кейіпкері Алдар көсе туралы кітаппен танысып, оның қызықты оқиғалары мен өнегелі іс-әрекеттері жайлы мәлімет алды. Балалар Алдар көсенің әділдік пен тапқырлықты дәріптейтін қасиеттері туралы әңгімелесіп, кейіпкердің қулықпен сараң байларды жеңіп шығатын оқиғаларын қызығушылықпен тыңдады.

Сонымен қатар, кітап желісі бойынша дайындалған мультфильм көрсетіліп, кішкентай көрермендер сүйікті кейіпкерінің шытырман оқиғаларын тамашалады. Көрсетілімнен кейін балалар өз әсерлерімен бөлісіп, кейіпкерлер туралы сұрақтарға жауап беріп, белсенділік танытты.

Кликните, чтобы увеличить изображение 01.jpeg

Кликните, чтобы открыть изображение!

Посмотрите вложенную галерею изображения онлайн в:
http://jobjk.kz/kz/?start=20#sigProGalleria289ecbb47a

Comments

«Жаз кітаппен қызық» жобасы «Кітаппен жазды бастайық» ашық аспан астындағы әдеби ойын-сауық сағаты

«Жаз кітаппен қызық» жобасы аясында «Мөлдір бұлақ» оқу-сауықтыру орталығында «Кітаппен жазды бастайық» ашық аспан астындағы әдеби ойын-сауық сағаты өткізілді.

Іс-шараның мақсаты - балалардың жазғы демалысын мазмұнды ұйымдастыру, кітап оқуға деген қызығушылығын арттыру және бос уақыттарын пайдалы өткізуге баулу.

Шара барысында балалар түрлі қызықты ойындарға қатысып, интеллектуалдық сайыстарда өз білімдерін сынады. Сергіту сәттері ұйымдастырылып, көңілді атмосфера қалыптасты. Белсенділік танытқан қатысушыларға арнайы сыйлықтар табысталды.

Сонымен қатар, «Динозаврлар әлемі» атты кітап көрмесі таныстырылып, балалар ежелгі тіршілік иелері туралы қызықты мәліметтермен танысты. Көрмеде 3D форматындағы, ашылмалы кітаптар ұсынылды. Big Dream технологиясы арқылы кітап кейіпкерлері мен иллюстрациялары жандандырылып көрсетіліп, оқырмандардың ерекше қызығушылығын тудырды.

Кітап пен ойын ұштастырылған бұл шара балаларға көтеріңкі көңіл-күй сыйлап қана қоймай, олардың кітап оқуға деген ынтасын арттырып, таным көкжиегін кеңейтуге ықпал етті. Жазғы демалыстың жарқын бастамасына айналған іс-шара қатысушылардың көңілінен шықты.

Кликните, чтобы открыть изображение!

Посмотрите вложенную галерею изображения онлайн в:
http://jobjk.kz/kz/?start=20#sigProGalleria01270a090b

Comments

Олжас Сүлейменов - 90 жас «Олжас әлемі – поэзия мен парасат» атты поэтикалық open air.

Қазақтың аса көрнекті ақыны, жазушысы, лингвист-ғалымы, қоғам және мемлекет қайраткері, дипломат Олжас Сүлейменовтың 90 жылдық мерейтойына орай Керімбай атындағы №12 мектеп-гимназиясында «Олжас әлемі – поэзия мен парасат» атты поэтикалық open air өтті.

Іс-шара барысында О. Сүлейменовтың тек поэзиядағы емес, ғылым мен жаһандық саясаттағы бірегей тұлғасы ашып көрсетілді. Әсіресе, түркітануға төңкеріс әкелген «Аз и Я» зерттеу еңбегінің маңызы мен әлемді ядролық қауіптен құтқаруға үлес қосқан «Невада – Семей» халықаралық қозғалысының тарихы туралы терең ақпарат берілді.

Оқушылар сұрақ-жауап ойындарына қатысып, еркін пікір алмасты. Сондай-ақ оқырмандар назарына ақынның алтын қордағы поэзиялық жинақтары мен әлем тілдеріне аударылған шығармалары қойылған арнайы кітап көрмесі ұсынылды.