Жамбыл облыстық балалар мен жасөспірімдер кітапханасы

«DARA BOL!» дарынды балалармен кездесу

«Балалар жылы» аясында өнерлі, талантты балалардың жұлдызын жағу, ұрпақ санасына ұлтжандылық рухын сіңіріп, жас жеткіншектердің талабын оятып, өнерлерін насихаттау мақсатында «DARA BOL!» дарынды балалармен кездесу ұйымдастырылды.

Кездесуге қаламыздың ерекше дарынды инновациялар мен жаңа технологияларды игерген болашақ ғалым балалар, спорт саласының болашақ жұлдыздары, сонымен қатар, болашақ математиктер жиналды.

Жамбыл облыстық техникалық шығармашылық орталығы «Кеме құрастыру», «Робототехника» және «Әуе ұшақтарды құрастыру» үйірмелерінің макеттер көрмесін көпшілік қауымға ұсынды.

Дарынды балаларға арналған мамандандырылған «Дарын» мектеп-интернатының оқушылары Сағынбек Рамазан мен Закиров Алихан желдің күшімен қозғалатын көліктер мен медицинадағы көмекші роботты таныстырды, ал Жәнібекқызы Айгерім экологиялық маңызы бар күзгі жапырақтарды өңдеу жобасын қорғады.

Исмаил Данияр мен Марат Жан үшбұрышты және төртбұрышты кубик-рубикті жылдам құрастырудың шеберлігін көрсетті. Алты жасар Азимов Ахмад жылдам есеп шығарып ментальды арифметиканың қыр-сырымен таңқалдырса, Дүйсен Заңғар көлік түрлерін жақсы білетінін көрсетті.

Сейтқұл Еркін қағаздан қылыш түрлерін жасап, қол өнерін ұсынды. Ал Сапаралиев Алижан өзі жасаған роботтарды таныстырды.

Кездесу барысында өнерлі балалар өздерін таныстыра отырып, талантын көрсетті және қызығушылығы бойынша қойылған сұрақтарға жауап берді. Барлық қатысушыларға арнайы сыйлықтар мен дипломдар ұсынылды.

Кликните, чтобы увеличить изображение 001.jpg

Кликните, чтобы открыть изображение!

Посмотрите вложенную галерею изображения онлайн в:
http://jobjk.kz/kz/neg/homepage-4.html?id=536&start=360#sigProGalleriacedd2c98e8

Comments

1 желтоқсан – Халықаралық ЖИТС-ке қарсы күрес күні «ЖИТС – ғасыр дерті» библиотерапия

1 желтоқсан – Халықаралық ЖИТС-ке қарсы күрес күніне орай «ЖИТС – ғасыр дерті» библиотерапия ұйымдастырылды. Оқырмандарға ЖИТС-тің ғасыр дертіне айналып отырған кеселдің залалын жан-жақты меңгеру, зиянды әдеттен барынша аулақ болуға шақыру мақсатында «ЖИТС» туралы толық ақпарат берілді.

Іс-шара барысында мәтінмен жұмыстар жасалып, тренинг жүргізіліп, тестпен қорытындыланды. Тақырыпқа сай оқырмандарға көрме таныстырылып, «Ауырып ем іздегенше, ауырмайтын жол іздейік» үндеуі тасталынды.

Кликните, чтобы открыть изображение!

Посмотрите вложенную галерею изображения онлайн в:
http://jobjk.kz/kz/neg/homepage-4.html?id=536&start=360#sigProGalleria98fc375a69

Comments

Ғабиден Мұстафин 120 жыл «Дауысы дәуірмен ұштасқан қаламгер» ақпараттық сағат

Ғабиден Мұстафиннің өмірі мен шығармашылығын дәріптеу мақсатында «Дауысы дәуірмен ұштасқан қаламгер» ақпараттық сағаты ұйымдастырылды.

Іс-шарада жазушының өмір дерегінен ақпарат беріліп, кітап көрмесі ұйымдастырылды. Оқырмандармен сұрақ-жауап алмасып,нақыл сөздері жатқа айтылды. Оқырмандар өздеріне қажетті ақпараттар алды.

Кликните, чтобы открыть изображение!

Посмотрите вложенную галерею изображения онлайн в:
http://jobjk.kz/kz/neg/homepage-4.html?id=536&start=360#sigProGalleria7e142cb887

Comments

"Ұлт мақтанышы" кездесу кеші

Бүгін, кітапханада, жергілікті спорт жеңімпаздарын жас ұрпаққа танымалдандыру мақсатында "Ұлт мақтанышы" әлем және Азия чемпиондарымен кездесу кеші өтті.

Іс-шарада Грек- Рим күресінен ҚР-ның Еңбек сіңірген спорт шебері, 2022 жылы Бразилияда өткен Сурдолимпиада ойындарының қола жүлдегері - АСАН Нұржан, жауынгерлік самбодан Азия чемпионы - САТҚЫНАЛИЕВА Аяна Таласбекқызы, Кикбоксингтен ҚР-ның 3 дүркін чемпионы және Италияда өткен Әлем чемпионатының күміс жүлдегері - ЕРМЕК Бекжан Ержанұлы қонақта болды.

Кеш қонақтары оқырмандарға спорт саласындағы бастарынан өткен ауыртпашылық пен қызықты сәттерін баяндап, мотивациялық тілектерін білдірді.