детско - юношеская библиотека

«Елін танытқан ер»

тақырыптық кеш

 

Қазақ елінің біртуар азаматы Д.А.Қонаевтың туғанына 106 жыл толуына орай, мемлекетке және халқына сіңірген еңбегін, қажырлы жүргізген саясатын үлгі ету мақсатында Д.А.Қонаев атындағы Жамбыл облыстық балалар мен жасөспірімдер кітапханасы Д.А.Қонаев атындағы халықаралық қордың Жамбыл облыстық бөлімшесінің төрағасы: А.Кәрентаев, Д.А.Қонаев қорының төрағасының орынбасары Н.Сейдуалиев, Д.А.Қонаев қорының аға референті Қ.Демешовтің және  №8 мектеп-гимназиясы  оқушыларының қатысуымен  «Елін танытқан ер» тақырыптық кешін өткізді.

Аталған іс-шарада Қонаев қорының төрағасы: А. Кәрентаев пен төрағасының орынбасары: Н.Сейдуалиев елін танытқан еріміз Д.А.Қонаевтың өмірі мен ол жайлы айтылған біраз естеліктерінен сыр шертті. Мерекелік кеште Д.А.Қонаев қорының аға референті Демешов Құрманғазы Дінмұхаммед Қонаевқа арнап жазылған өлең шумақтарын оқыса, №33 мектептің музыка пәнінің мұғалімі Баймаханов Жамбыл Тұрғанбекұлы «Өз елім» әнін орындады.

Шара барысында кітапханашы «Altais Group» ЖШС бас директоры, кәсіпкер Жұмабаев Әлімбектің  кітапхана оқырмандарына сыйға тартқан, 3 бөлімнен тұратын Д.А.Қонаевқа арналған «Ұлы тұлға» тақырыбындағы бұрышымен таныстырды. Бұрыштағы әрбір қойылған бөлімге библиографиялық  шолу жасалды.

Comments

«Дамудың жаңа мүмкіндіктері»

Елбасы жолдауы

 

Д.А.Қонаев атындағы Жамбыл облыстық балалар мен жасөспірімдер кітапханасында Елбасы Нұрсұлтан Назарбаевтың «Төртінші өнеркәсіптік революция жағдайындағы дамудың жаңа мүмкіндіктері» атты Қазақстан халқына арнаған Жолдауын ұжымдық жиналыста талқылады.

Comments

«Тәуелсіздік таңы» тақырыптық кеш

 

Желтоқсан оқиғасы арқылы бабаларымыздың армандаған егемендігіне жеткендігімізді, тәуелсіздікке жету жолында талай боздақтарымыздың жалған айыппен шейіт болғандарын оқырмандарға жете ұғындыру; оқырмандардың дүниетанымын кеңейту; Отанды сүюге, құрметтеуге, желтоқсандықтарға құрмет көрсетуге тәрбиелеу мақсатында Д.А.Қонаев атындағы Жамбыл облыстық балалар мен жасөспірімдер кітапханасының 16 желтоқсан Қазақстан Республикасының Тәуелсіздік күніне орай ұйымдастырылған «Тәуелсіздік таңы» тақырыптық кеші өтті.

Іс-шараға кітапхана оқырмандары және №54, 34 орта мектептің оқушылары қатысты.

Іс-шара аясында оқырмандар тәуелсіздік тақырыбындағы өлеңдерін оқып, «Желтоқсан желі» әнін орындады. «Қайраттың ақтық сөзі» атты көрініс қойылып, желтоқсан қаһарманы Қ.Рысқұлбековтің қайсар да, батыр келбетін көрсетіп, оның соңғы сөзін көрермендерге шынайы жеткізген №34 орта мектептің оқушысы Қанебаев Самат болды.

«Тәуелсіздігіміз тұғырлы, еліміз еңселі болғай!»-деген тілекпен іс-шара аяқталды. Кітапхана қорынан алынған әдебиеттерден «Тәуелсіздік тірегім» атты кітап көрмесі жасақталды. Көрмеге Тәуелсіз Қазақстанның бел-белестері, бүгінгі жетістіктері және жарқын болашағы туралы деректер мен құнды кітаптар қойылған. Олар – еліміздің мемлекет болып нығаюы кезеңімен, еліміздің тарихымен, Қазақстан халықтарының мәдениетімен тығыз байланысты кітаптар. Көрменің негізгі идеясы – қазақ мемлекетінің сан ғасыр бойы қалыптасу тарихындағы уақыт пен ұрпақтар сабақтастығын көрсету. Аталған көрмеде еліміздің кешегі мен бүгінгі жарқын келбеті салыстырмалы түрде көркем фотосуреттермен берілген.

            Кітап көрмесіне: Менің Отаным – Тәуелсіз Қазақстан [Мәтін]. – Алматы: Балауса, 2009.-184б., Адырбек К. Тәуелсіздікке талпыныс [Мәтін]: Публицистикалық мақалалар / К.Адырбек – Алматы: Айғаным, 2016. - 380 б., Тәуелсіздік. Демократия. Гуманизм [Мәтін] / 2-ая книга.– Алматы: Қазақ энциклопедиясы, 2011.–392 с. т.б. кітаптар қойылды.

joomlamodniyportal.ru

Comments