Жамбыл облыстық балалар мен жасөспірімдер кітапханасы

16 желтоқсан –ҚР Тәуелсіздік күні «Тұғыры берік мемлекеттік құрылым: Тәуелсіздік кезеңдері» ой талқы

Қазақстан Республикасының Тәуелсіздігінің 30 жылдығына орай Д.А.Қонаев атындағы Жамбыл облыстық балалар мен жасөспірімдер кітапханасы «Тұғыры берік мемлекеттік құрылым: Тәуелсіздік кезеңдері» ой талқы өткізді.

Тәуелсіздік жылнамасымен қатар, тарихи оқиғалар, тәуелсіз елдің әдебиеті үлгілерінен өлеңдер оқылды.

Тәуелсіздіктің мағынасы мен мәнін ұғыну – Отансүйгіштіктің алғашқы баспалдағы. Тәуелсіз Қазақстанның бел-белестері, бүгінгі жетістіктері және жарқын болашағы туралы деректер мен құнды кітаптар қойылған ой талқы барысында кітапхана қорының әдебиеттеріненжасақталған «Тарихтан тағлым - өткенге тағзым!» кітап көрмесіне шолу жасалды.

Көрменің негізгі идеясы - қазақ мемлекетінің сан ғасыр бойы қалыптасу тарихындағы уақыт пен ұрпақтар сабақтастығын көрсету.

Аталған көрмеде еліміздің кешегі мен бүгінгі жарқын келбеті салыстырмалы түрде көркем фотосуреттермен берілген.

Кітап көрмесіне:Н.Назарбаев «Тәуелсіздік белестері», Н.Ә.Назарбаев «Бейбітшілік кіндігі», «Тәуелсіздік шежіресі», «Егемен Қазақстан тарихы: Тәуелсіздікке 20 жыл», Н.Назарбаев «Тәуелсіздік дәуірі», Менің Отаным-Тәуелсіз Қазақстан[Мәтін]/Алматы: Балауса,2009–184бет., Тәуелсіздікке талпыныс[Мәтін]/публицистикалық мақалалар/Көлбай Адырбек.– Алматы:Айғаным, 2016. – 380 бет., Тәуелсіздік. Демократия.Гуманизм[Мәтін]/2-ая книга.– Алматы:Қазақ энциклопедиясы, 2011.–392 с.т.б. кітаптары қойылды.

Кликните, чтобы увеличить изображение 001.jpg

Кликните, чтобы открыть изображение!

Посмотрите вложенную галерею изображения онлайн в:
http://jobjk.kz/kz/neg/homepage-4.html?id=536&start=520#sigProGalleriaeb426e08b8

Comments

«Қайсар рухты қазақ» кітап көрмесі

1986 жылғы Желтоқсан көтерілісінің қаһарманы Қайрат Ноғайбайұлы Рысқұлбековтың туғанына – 55 жыл.

«Қайсар рухты қазақ» кітап көрмесі

Желтоқсан оқиғасы арқылы бабаларымыздың армандаған егемендігіне жеткендігімізді, тәуелсіздікке жету жолында талай боздақтарымыздың жалған айыппен шейіт болғандарын оқырмандарға жете ұғындыру, оқырмандардың дүниетанымын кеңейту, Отанды сүюге, құрметтеуге, желтоқсандықтарға құрмет көрсетуге тәрбиелеу мақсатында Д.А.Қонаев атындағы Жамбыл облыстық балалар мен жасөспірімдер кітапханасының 16 желтоқсан Қазақстан Республикасының Тәуелсіздік күніне орай ұйымдастырылған «Қайсар рухты қазақ» кітап көрмесі жасақталды.

Кітапхана қорынан алынған әдебиеттерден желтоқсан құрбандарын еске алып, олардың ерліктері жөнінде мағлұмат беріліп, көрмеге қойылған М.Шаханов «Желтоқсан эпопеясы», Б.Абилов «Желтоқсан -86», «Желтоқсан батырлары», Т.Айтбайұлы «Желтоқсан көтерілісі», «Желтоқсан құрбандарын жоқтау», Е.Әбікенұлы «Желтоқсан ызғары» кітаптарына библиографиялық шолу жасалды.

Кликните, чтобы открыть изображение!

Посмотрите вложенную галерею изображения онлайн в:
http://jobjk.kz/kz/neg/homepage-4.html?id=536&start=520#sigProGalleria198cb5bd1e

Comments

«Тәуелсіздік деп жырлайды жүрегім» жас ақындар мүшәйрасы

Қазақстан Республикасының Тәуелсіздігінің 30 жылдығы аясында жергілікті жас ақындарды кейінгі ұрпаққа насихаттай отырып, олардың өмір жолын, еңбегі мен шығармашылығын халыққа кеңінен таныстыру, Тәуелсіз Қазақстанның әлемдік өркениет пен мәдениет биігінде алар орнын жырға қосу, Ұлттың ұлы мұраты – Тәуелсіздік пен мемлекеттіліктің, сондай-ақ рухани құндылықтарды жаңғыртудың маңыздылығын көпшіліктің, жас ұрпақтың санасына сіңіру арқылы оларды Отансүйгіштікке, елжандылыққа бағыттау, шығармашыл жастардың өнеріне қолдау көрсете отырып, мемлекеттік тілдің қолданыс аясын кеңейту, өлең құдыреті арқылы қазақ тілінің мәртебесін көтеру және жас буынды ұлттық мәдени құндылықтар рухы мен ұлтжандылыққа тәрбиелеу мақсатында «Тәуелсіздік деп жырлайды жүрегім» жас ақындар мүшәйрасы өткізілді.

⠀

Жас ақындарымыздың жырларын әділ бағалауға Қазақстан Республикасы журналистер одағының мүшесі, ақын, жазушы Демешев Құрмаңғазы және жас ақын, тілші Әбдір Шапағат төрелік етті.

⠀

Жыр мүшәйрасы үш кезеңнен өтті: 1 – кезең. «Өзге емес, өзім айтам өз жайымда» (өзін - өзі таныстыру) 2-кезең. «Өлең – сөздің патшасы, сөз сарасы» (ұяшық таңдау, экранда берілген сөзге 3 минут ішінде бір шумақ өлең шығару) 3-кезең.«Тәуелсіздік – азаттығым, бақ күнім!» (шешендік өнерлерін қара сөзбен айтып көрсету) және Қазақстанымыздың нығайып, әрқашанда берік болуы үшін не істеуіміз керек? - деген сұраққа өз ойларын білдірді.

⠀ Мүшәйраның қорытындысы бойынша әділ қазылардың шешімімен «Үздік ақын» номинациясын Алдаберген Ерсултан, «Өнерлі ақын» номинациясын Жиенғали Исламали, ал «Белсенді ақын» номинациясын Абдуалиева Айман иеленді. Оларға арнайы дипломдар мен сыйлықтар табысталып, қалған қатысушылар Тұрғынбекқызы Жания мен Айтбай Аяжанға белсенділіктері үшін ынталандыру сыйлықтары берілді.

Іс-шара соңында «Тәуелсіздік тұғыры – ұлы дала арманы» көрмесіне библиографиялық шолу жасалып, слайд көрсетілді.

Кликните, чтобы открыть изображение!

Посмотрите вложенную галерею изображения онлайн в:
http://jobjk.kz/kz/neg/homepage-4.html?id=536&start=520#sigProGalleria847873b371

Comments

ҚР Тәуелсіздігіне 30 жыл «Тәуелсіз елдің ертеңі» (слайд – әңгіме)

Тәуелсіздік – еліміздің баға жетпес байлығы. Тәуелсіз – әлемдегі ең құдіретті сөз. Ел еркіндігі. Қазақстан тәуелсіздіктің бесігінде тербеліп жатқанына 30 жыл. Осы уақыт аралығында Қазақстан әлемде жеке дара дербез ел екенін дәлелдей білді. Өзінің белгіленген шекарасы, діні мен тілі, мемлекеттік рәміздері мен ұлттық құндылықтары, мәдениеті мен салт-дәстүрі бар тәуелсіз зайырлы елге айналды. Осы мақсатта кітапханамызда №13 бөбекжай балабақшасының қатысуымен «Тәуелсіз елдің ертеңі» тақырыбында іс – шара ұйымдастырылды.

Іс – шараны ҚР-ның әнұранымен бастап, кітапханашылар кішкентай бүлдіршіндерге ел тәуелсіздігі жайында бейнебаян көрсетіп, жан-жақты мағлұмат бере кетті. Ал кішкентай бүлдіршіндеріміз тәуелсіздікке арналған тақпақтарын, өлең жолдарын айтып, әсем әуендерін тарту етіп, өз өнерлерін көрсетті. Іс – шара соңында балаларға кітап көрмесі таныстырылып, оқырмандар жақсы көңіл – күймен тарқасты.