Жамбыл облыстық балалар мен жасөспірімдер кітапханасы

«Қаламгер қайраткер»

«Қаламгер қайраткер» тақырыбында белгілі қаламгер, Қазақстанның Құрметті журналисі, Қазақстан Жазушылар және Журналистер одақтарының мүшесі, Талас, Жуалы аудандарының Құрметті азаматы, жазушы-журналист Мақұлбек Рысдәулет туралы ақпарат сағаты өтті.

Іс-шара барысында Мақұлбек Рысдәулеттің журналистика саласындағы еңбек жолы, Сарыарқа төрінде қаламын ұштап, кәсіби журналист ретінде шыңдалғаны туралы айтылды. «Egemen Qazaqstan» газетінің облыстағы меншікті тілшісі болғаннан кейін облыстың бас басылымы «Aq jol» газетін басқарып, редакцияға жалынды жастарды жинап, қамқорлық танытқаны, газеттің кескін-келбетін өзгертіп қана қоймай, мазмұнын байытқаны, оқырманға ой саларлық тарихи-танымдық дүниелерге, проблемалық мақалаларға басымдық бергені, ал кейінгі уақытта архив саласындағы еңбектері жайлы ақпарат берілді.

Оқырмандар назарына қаламгердің өмірі жайлы бейнеролик көрсетіліп, прозалық және тарихи-танымдық кітаптарына библиографиялық шолу жасалынды.

Кликните, чтобы увеличить изображение 001.jpeg

Кликните, чтобы открыть изображение!

Посмотрите вложенную галерею изображения онлайн в:
http://jobjk.kz/kz/?start=200#sigProGalleriaff3d980af2

Comments

«Тарихыңды таны – тұлғаңды құрметте!» облыстық жас зерттеушілер байқау

Д.А.Қонаев атындағы облыстық балалар мен жасөспірімдер кітапханасы жас ұрпақты туған жердің тарихын тану, аудан, ауылдардың әлеуетімен таныстырып, өлкенің туристік имиджін қалыптастыру мақсатында «Тарихыңды таны – тұлғаңды құрметте!» облыстық жас зерттеушілер байқауын «Туған өлкем – ғажап, әрі көркем! Туризм табыс көзі» тақырыбында ұйымдастырды.

Байқауға облысымыздың бес ауданынан 14 пен 17 жас аралығындағы жас зерттеушілер туған өңірінің туристтік нысандары туралы зерттеу жүргізіп, толық ақпарат берді.

Байқау материалдары тақырыпқа сай болуы, жаңа технология арқылы көркемделу ерекшелігі, презентация дизайнының деңгейі, тақырыптың жан-жақты ашылуы, өзіндік даралық, жаңашылдық, бірегейлігі мен ерекшелігі бойынша бағаланды.

Қазылар алқасының құрамындағы Жамбыл облысы әкімдігінің туризм басқармасының бас маманы Тулекова Салтанат Таирқызы, Жамбыл облыстық көзі көрмейтін және әлсіз көретін азаматтар кітапханасының бөлім басшысы Оразқұлова Айгүл Мейманқұлқызы және Д.А.Қонаев атындағы облыстық балалармен жасөспірімдер кітапханасының директор орынбасары Тұрлығұлова Жанат Қамшыбекқызы қатысушылардың жұмыстарын жан-жақты зерделеп, жоғары бағаларын берді.

Байқау қорытындысы бойынша Сарысу ауданының қатысушысы Сарсенбай Диас «Тарихы терең, фосфорлы жасыл өлкем!» тақырыбында жобасын жоғары деңгейде қорғап І орынды иеленсе, Жамбыл ауданынан келген Үсенбай Жанел «Жамбыл облысының туристік-рекреациялық мүмкінщіліктері және өлкетану жұмыстары» жобасын қорғап, ІІ орын алды. Ал Байзақ ауданының үміткері Егемберді Нұршат «Тарихыңды таны, тұлғаңды құрметте!» жобасын жоғары деңгейде ұсынып, ІІІ орынды иеленді. Барлық қатысушылар дипломдармен марапатталып, естелікке бағалы сыйлықтар алды.

Байқау соңында қонақтарға «Туған жер – тұнған тарих» кітап көрмесіне шолу жасалып, туған жер туралы әндер орындалды.

Кликните, чтобы открыть изображение!

Посмотрите вложенную галерею изображения онлайн в:
http://jobjk.kz/kz/?start=200#sigProGalleria233691d7a4

Comments

«Әділ сөздің алдаспаны» тағылымдық сағат

Әйтеке бидің – 380 жылдығына орай, жас ұрпаққа әділ бидің нақыл сөздерін насихаттау мақсатында «Әділ сөздің алдаспаны» тағылымдық сағат ұйымдастырылды.

Іс-шара барысында Әйтеке би туралы ақпарат беріліп, нақыл сөздері оқылып, кітаптарға шолу жасалды.

Кликните, чтобы открыть изображение!

Посмотрите вложенную галерею изображения онлайн в:
http://jobjk.kz/kz/?start=200#sigProGalleria0f2a6e53ce

Comments

«Зиянды қалдықтар туралы не білесің?» ақпарат сағаты

Өскелең ұрпақты қоршаған ортаны ластамауға, табиғатты қауіпті қалдықтардан тазалауға тәрбиелеу мақсатында «Зиянды қалдықтар туралы не білесің?» ақпарат сағаты өткізілді.

Оқырмандарға қауіпті қалдықтарды өңдеу туралы арнайы бейнероликтер көрсетіліп, Жамбыл облыстық экология департаменті бақылау бөлімінің бас маманы Жанкараева Нурима Садуақасқызы зиянды заттар туралы мысалдар келтіріп, толық ақпарат берді.

Шара соңында «Қалдықсыз қоғам – қауіпсіз ғалам» кітап көрмесіне шолу жасалды.