балалар мен жасөспірімдер кітапханасы

«Кітап мұхитындағы аралдар» жобасы аясында жазғы демалыс кезінде балалар мен жасөспірімдердің бос уақыттарын тиімді ұйымдастыру, жаз мезгілі және оның ерекшеліктері туралы түсініктерін кеңейту, ертегілер мен кейіпкерлері туралы білімдерін пысықтау мақсатында «Жайдарлы жаз!» бэйби-шоу ұйымдастырылды.

Іс-шара барысында бүлдіршіндерді ертегі кейіпкерлері қарсы алып, жаз мезгілі туралы жұмбақтар жасырды.

Жастарына сай ертегілер туралы сұрақтар қойылып, шығармалардың кейіпкерлері таныстырылды. Балалар «Біз бақытты баламыз!» әнді орындап, бақытты балалық шақ туралы өлеңдер оқып, флешмоб биледі.

Оқырмандардың назарына «Кел, балалар, оқылық!» кітап көрмесі ұсынылып, панорамалық, дыбысты, 3D, 4D, алуан түрлі көркем әдебиетпен ертегі кітаптарына шолу жасалды. Сондай-ақ, кітапханада саяхат жасалып, әдеби кинозалда отандық «Қошқар мен серке» мультфильмі көрсетілді.

Comments

Түйме туралы қарапайым мәлімет беру, түйме арқылы балаларға эстетикалық тәрбие беру және де әдептілікке тәрбиелеу, өз ойын жетізе білуге баулу, қол жаттықтыру жұмыстарын жүргізу мақсатында «Сиқырлы қылқалам» сурет үйірмесінің кезекті сабағы «Әсемдікті көре біл» тақырыбында өтті. Балалар түрлі түймелерді пайдалана отырып 3 D суреттер салды.

joomlamodniyportal.ru

Comments

Д.А.Қонаев атындағы облыстық балалар мен жасөспірімдер кітапханасында жас ұрпаққа ұмытылып бара жатқан ұлттық салт-дәстүр, әдеп-ғұрыпты насихаттайтын «Зере» әжелер клубы «Қазақтың дастарханы» тақырыбындағы библио-кафе өтті.

Іс-шара барысында қол диірменін пайдалана отырып, бидай, арпа, тары, жүгеріден ұлттық тағамдар, атап айтқанда талқан, ашымық көже, т.б. ұлттық тағамдар жасауға болатынындығы туралы айтылды.

Клуб мүшелері дәнді дақылдарды диірменнен өткізіп, талқан жасаудың жолдарын көрсетіп, ұлттық тағамдардың түрлері туралы өз ой-пікірлерін ортаға салып, дастарханнан дәм татты.

Кітапхана қорындағы тақырыпқа сай жасақталған «Қазақтың дастарханы» көрмесіне библиографиялық шолу жасалды.

joomlamodniyportal.ru

Comments