детско - юношеская библиотека

Тәуелсіздігіміздің 25 жылдық мерейтойы қарсаңында 1916 жылғы ұлт-азаттық көтерілістің басталғанына 100 жыл толуына орай Ыбырай Алтынсарин атындағы №49 мектепте «Даладағы дабыл» атты әңгіме презентация ұйымдастырылып, өткізілді.

 

Іс-шараның мақсаты: жастарға 1916 жылғы ұлт-азаттық қозғалыстың сипатын, сол кездегі ұлт зиялыларының ұстанған бағытын айқындап түсіндіру, жастардың бойында елжандылық пен отаншылдық қасиеттерін шыңдау. Қазақстандағы 1916 жылғы ұлт-азаттық қозғалыстың тарихи мәнін, көтерілістің себептері және басталуына тереңінен тоқталып, тарихтың әлі де ашылмай келе жатқан тың деректері презентация арқылы айтылып өтті. «1916 жылғы ұлт-азаттық көтеріліске - 100 жыл» атты кітап көрмесіне қойылған басылымдарға шолу жасалды. Көрмеге Қазақстандағы 1916ж. ұлт-азаттық қозғалыс картасын, көтеріліс басшыларының фотосуреттері және олардың қазақ халқының ұлттық мүддесін жақтаған істері жайында қысқаша мәліметтер қойылды. «Қаһарлы 1916 жыл»; «Қазақ ұлт-азаттық қозғалысы»; «Әулиеата уезіндегі ұл-азаттық көтерілістер»; «Жауды шаптым ту байлап» т.б. кітаптар мен мерзімді басылымдар пайдаланушылар назарына ұсынылды.

joomlamodniyportal.ru