детско - юношеская библиотека

Оқушыларды адамгершілікке, Отанын сүюге, оны қорғауға, ерлік пен батылдыққа баулу, патриоттық тәрбие беру мақсатында Жамбыл облыстық балалар мен жасөспірімдер кітапханасының оқу залы секторы жоғарғы сынып оқушыларымен Қайрат Рысқұлбековтың туғанына - 50 жыл толуына орай «Құйынға түскен жас ғұмыр» атты әдеби буриме өткізді.

Кеш барысында кітапханашы жас оқырмандарға - ұлтының басына сын сағат туғанда, жас болса да бас бола білген, әділетсіздікке қасқая қарсы тұрып, азаматтық мінез танытқан «Халық қаһарманы» - Қайрат Рысқұлбековтың өмірі туралы айтып өтті. Сонымен қатар жас оқырмандар назарына, «Желтоқсан жаңғырығы» атты кітап көрмесіне қойылған желтоқсан оқиғасы жайлы кітаптар, мақалалар: («1986 жылғы желтоқсан оқиғасы: Саясат, Билік, Тағдырлар», «Қазақстан тарихы энциклопедиялық анықтамалық», «Қазақстан Республикасының тарихы», «Қайрат деген атым бар» [Мәтін] \\ Ақ жол 2016.-5 наурыз (№30).-2 б, «Желтоқсанның жан жарасы» [Мәтін] \\ Жалын.-2013.-№12.-5-9 б.) ұсынылды. Шара соңында «Қайрат Рысқұлбеков» туралы деректі фильмнен үзінді көрсетілді.