детско - юношеская библиотека

Онлайн конференция

04.02.2016 жылы Жамбыл облыстық балалар мен жасөспірімдер кітапханасы мен Шығыс Қазақстан облыстық балалар мен жасөспірімдер кітапханасының бірігіп ұйымдастырған, «Құнанбай» кинофильмінде Абайдың шешесі Зеренің рөлін сомдаған жерлесіміз, Қазақстанға еңбегі сіңген мәдениет қайраткері, актриса Нұрсифат Рахымбайқызы Салықовамен онлайн кездесу конференция ұйымдастырылып өткізілді.

Бұл онлайн кездесу конференцияға Шығыс Қазақстан облыстық балалар мен жасөспірімдер кітапханасы, Шығыс Қазақстан А.С. Пушкин атындағы амбебап ғылыми кітапханасы, Мемлекеттік С.Бегалин атындағы республикалық балалар кітапханасы, Павлодар облыстық біріккен әмбебап ғылыми кітапхансы, Солтүстік Қазақстан облыстық С.Мұқанов атындағы әмбебап ғылыми кітапханасы, Қостанай облыстық Ыбырай Алтынсарин атындағы балалар мен жасөспірімдер кітапханасы, Жамбыл облыстық көзі көрмеитін және әлсіз көретін азаматтар кітапханасы, №49 мектептің 9 сынып оқушылары, тараз қалалық политехникалық колледж білімгерлері қатысты.

Республикалық кітапхана қызметкерлері мен жас оқырмандар Нұрсифат Рахымбайқызы Салықоваға өздерінің сұрақтарын қойып, сұрақтарына нақты жауаптарын алды. Шығыс Қазақстан А.С.Пушкин атындағы әмбебап ғылыми кітапханасы тарапынан-«Зеренің рөлін ойнағаныңызда сол кездегі әжелермен қазіргі кездегі әжелердің айырмашылығы неде?» деген сұрақ қойылды. Қазіргі әжелер сол кездегі Зере әжелеріміз сияқты ертегісін аитып, нақыл сөздерін айтып отырса нұр үстіне нұр болар еді деп жауабын берді. Келесі сауал Қостанай облысының Ы.Алтынсарин атындағы балалар мен жаөспірімдер кітапханасы атынан-«Сіз Зеренің рөлін ойнағанда Зеренің бойындағы мінез-құлқы мен өзіңіздің бойыңыздағы мінез-құлқыңызбен ұқсас жерлері болдыма?»деген сұрақ қойылды. Нұрсифат Рахымбайқызы ұқсас қасиеттеріміз жоқ, дегенмен қазақи аналарға тән.мінез-құлық әр бір әйелдің бойында бар деп есептеймін, сондай қазақилық мінез бойымда бар. Сонымен қатар жалпы сахнада үлкен аналардың ролдерін ойнап жүргендіктен соның да көмегі болған шығар деп ойлаймын. Басқа да кітапханалар тарапынан көптеген сұрақтар қойылды. Мектеп оқушылары да сұрақтарын койып, артынан ізгі тілектерін білдіріп жатты. Онлайн кездесу конференциясы жоғарғы денгейде өтті.

500 көрермендей қатысты.