балалар мен жасөспірімдер кітапханасы

   Жамбыл облыстық балалар мен жасөспірімдер кітапханасының мерзімді басылымдар секторының кітапханашысы Анар Дүйсенова мен «Мейірім» мектеп-интернатының кітапханашысы Карима Мажиттің ұйымдастыруымен халық батыры Бауыржан Момышұлының өмір   жолынан, ерлік істерінен мәлімет беру, халқымыздың ерлік дәстүріне, отансүйгіштікке, адамгершілік, патриоттық сезімдерін ояту, Ұлы Отан соғысында елін, жерін қорғап қалуда асқан қаһармандық көрсеткен, халық қаһарманы Бауыржан Момышұлын әрдайым еске ала отырып, қадір тұту, оқушыларға батырдың өмір жолымен, мәңгі өшпес ерлігімен таныстыру мақсатында Б. Момышұлының 105 жылдық мерейтойына орай «Ерлігі елге өнеге, ер Бауыржан» тақырыбында әдеби микс өткізілді.

    Әдеби микс шарасына саңырау және нашар еститін балаларға арналған түзету «Мейірім» мектеп-интернатының 6-сынып оқушылары қатысты. Бүкіл әлем халқына аңыз болып тараған қазақ елінің ақиық қыраны Бауыржан Момышұлының қайталанбас ғажайып сырға толы өмір жолы мен көркем туындыларын оқырмандарға насихаттап, ерлігі елге өнеге ер Бауыржан атында мемлекетімізде патриоттық рухта тәрбиелейтін арнаулы орталықтар, мұражайлар, көше, мектеп аттары бар екенін, Бауыржан туралы қанша айтсақ та, қанша жазсақ та білгенімізден білмейтініміз әлі алда екені айтылды. Жас оқырмандар Бауыржан туралы көрген кинолары мен оқыған кітаптары туралы ойларымен бөлісті. Кеш соңында «Ерлікке тағзым» атты кітап көрмесіне шолу жасалды. Сурдопедагог А. М. Туралиева және тәрбиеші З.О. Бекхожаевалар балаларға түсінікті тілде жеткізе білді.