Жастарға ерлік пен елдік ұғымдарының мәнін түсіндіру, отансүйгіштікке тәрбиелеу, тарихи тұлғалардың өнегесін үлгі ету мақсатында 7 мамыр – Отан қорғаушылар күніне орай Б. Момышұлы атындағы дарынды ер балаларға арналған мамандандырылған әскери мектеп-интернаты оқушыларының қатысуымен "Ерлік пен елдік" атты ашық пікір өткізілді.

Іс-шара барысында қазақ тарихында ерлік пен елдіктің жарқын үлгісін көрсеткен батырлар туралы пікір алмасып, бүгінгі Отан қорғаушылардың да патриоттық рухы туралы айтылды, курсанттар сапқа тұрып өлеңдер оқыды, ән шырқады.

Тақырыпқа сай жасалған кітап көрмесіне шолу жасалды. Көрмеге «Айбын» энциклопедиясы, А.Тасболатов пен Қ.Аманжоловтың «Қазақстанның әскери тарихы» және басқа да Қазақстан қарулы күштерінің тарихы және қазіргі жағдайы тақырыбын ашқан кітаптары мен мерзімді басылым беттерінде жарық қөрген мақалалар қойылды.

joomlamodniyportal.ru