«Дана Абайдың дара жолы» әдеби бульвар

Абай – ақын, Абай – дана. Қазақтың ортақ мақтанышына айналған халқымыздың ұлы перзенті, философ, ғұлама ақын Абай Құнанбайұлы туғанына 180 жыл толуына орай әдеби бульвар өткізілді. Іс-шара барысында №63 орта мектебінің оқушылары «Көзімнің қарасы» хорын орындады, сондай-ақ Абайдың қара сөздерін, өлеңдерін оқыды. Кітапханамыздың тұрақты оқырмандары «Бала Абай» көрінісін қойып, «Абай мұрасы – халық қазынасы» атты кітап көрмесі таныстырылды, соңында «Желсіз түнде жарық ай» хорымен аяқтады. Абай есімі – қазақ халқының ұлттық санасының оянуы мен рухани қайта жаңғыруының, қоғамның озық күштерінің өркениеттілікке ұмтылысы мен әлеуметтік әділдіктің символы.