Көрнекті мемлекет және қоғам қайраткері Д.А. Қонаевтың өмірі мен қызметін дәріптеу, жас ұрпаққа үлгі ету, тұлғаның мұрасын жаңғырту мақсатында «Ұлы даланың - ұлы тұлғасы» дөңгелек үстел өтті.

Шараға Тараз қаласының зиялы өкілдері филология ғылымының докторы Сәмен Құлбарақ, Жамбыл облысының Құрметті азаматы Амангелді Кәрентаев, филология ғылымының кандидаты, доцент Темірбай Мұқашев, М.Х.Дулати атындағы Тараз өңірлік университет оқытушысы, әдебиеттанушы Бақытжан Махашев және т.б. қатысты.

Сондай-ақ, №12 мектеп-гимназия оқушылары Д.А. Қонаевқа арналған жыр шумақтарын оқыды. Д.А.Қонаев Халықаралық қоғамдық қоры Жамбыл облыстық бөлімшесінің қолдауымен жарық көрген «Қонаев қоры: тарих және тағылым» кітабының тұсаукесер рәсімі өтті. Кештің арнайы қонағы ҚР Еңбек сіңірген қайраткері, К. Әзірбаев атындағы Жамбыл облыстық филармония әншісі - Бақыт Шағырбаев ән шашуын сыйлады. Арнайы кітап көрмесіне шолу жасалынды.

joomlamodniyportal.ru