Оқырмандарға қаламыздың дарынды балаларға арналған оқу орындарды таныстыру, мамандықтарға деген ынта-ықыласын арттыру, кәсіптік бағдар беру мақсатында «Болашаққа жоспар жаңа оқу орнымен» лицейлер апталығы аясында дарынды ер балаларға арналған «Білім инновация» лицей-интернаты туралы таныстырылым өтті.

Іс-шара барысында лицейдің 10 сынып оқушысы, лицей парламентінің 2024-2025 оқу жылындағы премьер-министрі, Қазақстан тарихы пәнінен Облыстық, Республикалық Олимпиадалардың жеңімпазы Қанат Нұрғанат Бауыржанұлы Төле би атындағы №8 гимназияның 6 сынып оқушыларына білім орданың құрылу тарихы, емтиханда болатын пәндері, мерзімі, лицейдің тыныс-тіршілігі мен бос уақытында ұйымдастырылатын түрлі іс-шаралар туралы ақпарат берді.

Кездесу соңында оқырмандарға «Жақсы мамандық – жарқын болашақтың бастауы» кітап көрмесі таныстырылып, жадынама парақшалар таратылды.

joomlamodniyportal.ru