детско - юношеская библиотека

Салт-дәстүрлерді сақтап, құрметтеу мақсатында «Зере» әжелер клубының ұйымдастыруымен «Он саусағынан өнер тамған» шеберлік сағат өткізілді.

Аталған шараға ұлттық өнерді насихаттап жүрген жерлесіміз, он саусағынан өнер тамған, көпшілікті ұлттық өнерімізбен тамсандырып жүрген «Шебер шаңырақ» қоғамдық бірлестігінің мүшесі, ардагер ұстаз, зейнеткер Канибетова Алтыншаш апа мен алты баланың анасы, «Киіз Fest» фестивалінің қатысушысы – Берден Асылкүл ханым және «Зере» әжелер клубының мүшелері қатысты.

Іс-шара барысында әжелер құрақ деген не, құрақ қайда пайдаланылады және құрақтың түрлері, тарихы туралы мәлімет берсе, Алтыншаш апа мен Асылкүл ханым құрақ құрау өнері, оның қызығы мен қиындығы, құрақ атауларымен таныстырып, өзінің қолынан шыққан туындыларымен бөлісті.