детско - юношеская библиотека

Ғасырлар тоғысында ғасыр ақыны атанған Мұқағали Мақатаевтың ақындық талантын оқырман жүрегіне ұялату, сол арқылы олардың бойында поэзия әлеміне, жалпы сөз өнеріне деген сүйіспеншілікті берік қалыптастыру, оны бағалай білуге, сыршыл да шыншыл ақын өлеңдерінің мәні мен маңызына үңілдіруге, рухани танымын кеңейтуге ықпал ету мақсатында Д.А.Қонаев атындағы Жамбыл облыстық балалар мен жасөспірімдер кітапханасының ұйымдастыруымен қазақтың лирик ақыны, әнші, композитор Мұқағали. Мақатаевтың туған күніне орай «М.Мақатаев-ғасыр ақыны» әдеби круиз өтті.

⠀ Іс-шара барысында ақынның өмірі мен шығармашылығынан мағлұмат бере отырып, Төле би атындағы №8 мектеп-гимназия оқырмандары ақынның өлең жырларынан сыр шертті.

⠀

Әдебиет саласында жиырма бес жылдай уақыт жұмыс жасаған М.Мақатаев көптеген өлеңдер жазды. Жаңа кеңістіктерге алып шыққан жиырмасыншы ғасырдың санаулы саңлақтарының бірі, ақын - өзіне дейінгі өлең өру мен жыр сомдаудағы қазақ халқының ұлттық мектептері мен дәстүрлерін жалғап қана қоймай, оны жан-жақты дамытқан, тереңдеткен, қазақтың өлең-сөзін жаңа заңғарларға көтерген.

joomlamodniyportal.ru