«Біз – тәуелсіз елміз!» арт-кездесу

"Рухани жаңғыру" бағдарламасының «Туған жер» арнайы жобасы және «2021 жыл – Балалардың кітап оқуын қолдау жылы» аясында Тәуелсіздіктің 30 жылдығына орай «Жылжымалы кітапхана» жобасын ілгерілету мақсатында «Мүгедек жастар қоғамы» қоғамдық бірлестігінің «Нұр Бала» жобасының мүмкіндігі шектеулі балаларына «Біз – тәуелсіз елміз!» арт-кездесу ұйымдастырылды.

⠀

Мүмкіндігі шектеулі балаларға «Қолымнан бәрі келеді» сурет салу мен пазл құрастыру шеберлік сабағы өтікізіліп, балалар өздерінің құрастырған пазлдары туралы әңгімеледі.

⠀

«Сиқырлы қобдиша» ойынында жұмбақтар мен мақал-мәтелдер жасырылды. Сондай-ақ «Ғажайып кітап әлемі» кітап көрмесі жасақталып, бүлдіршіндердің қызығушылығын арттыратын сөйлейтін ойыншық кітаптар, 3D, сөйлейтін қаламмен «Даналық әліппесі», ашылмалы, панорамалық кітаптар мен ертегілер қойылды.

⠀

Балалар көрмеге ұсынылған әдебиеттермен таныса отырып , өздеріне қажетті қызықты мағұлмат алды.

⠀ «Жылжымалы кітапхана» жобаның басты мақсаты кітапханаға оқырмандарды тарту және кітап оқуды насихаттау. Жоба аясындағы іс-шаралар қаланың басқа да қоғамдық мекемелерінде ұйымдастырылып, жалғасын табады.